Iha sorumutu ho Primeiru Ministru, Taur Matan Ruak, Ministru Administrasaun Estatál, Miguel Pereira de Carvalho informa kona-ba implentasaun Uma Naroman ba Povu nomós fahe kalen ba benefizariu sira iha terotoriu tomak.

"Ha'u mai hasoru Primeiru Ministru hodi atualiza kona ba post implementasaun Uma Naroman ba Povu iha territóriu Timor-Leste tomak. Uma Naroman ba Povu ne’e antes mandatu VIII Governu konstitusionál remata bele halo uma to'o rihun 9.854 iha territóriu tomak," dehan Miguel Pereira de Carvalho hafoin hasoru Xefi Governu iha Palásiu Governu, (14/03).

Nia fundamenta, iha 2021 halo uma 1.254. tinan kotuk halo uma 5000 no ba tinan ida ne'e halo uma 3600 uma naroman ba povu, entaun molok mandatu ne'e remata bele atinje to'o 9000.

"Ha'u mós informa ba Primeiru Ministru katak iha tinan kotuk Komunidade benefisiariu ba kalen purvolta rihun 5 benefisiariu simu ona kalen sira, tinan ida ne'e númeru hanesan rihun 5 simu kalen sira," nia salienta.

"Uma naroman ba povu 2021 ita halo despeza $ 25 miloens konstrui rihun 1.254 osan ne'e mai husi orsamentu jerál estadu, iha 2021 antes orsamentu retifikativu Parlamentu Nasionál aprova 71 miloens para halo uma rihun 4 depois aprova tan $ 25 miloens hodi halo uma rihun 1 ne'e mak hanesan ha'u dehan tinan kotuk halo uma rihun 5 tan tinan kotuk orsamentu totál 96 miloens, tinan ida ne'e orsamentu $ 63 miloens halo uma rihun 3.600 hamutuk ho fahe kalen,"

Despeza sira durante tinan 2021 mai to'o tinan 2023 aroda de $ 180 miloens para ke halo uma naroman ba povu hamutuk 9.854 no mós benefisiariu simu kalen hamutuk rihun 10.

Entretantu, Primeiru Ministru kontente ho rezultadu sira katak komunidade sira maioria parte sente katak programa ida ne'e benefisia duni ba populasaun sira, depois propriu uma naroman ba povu, tinan kotuk emprega traballador purvolta 90 mill ne'e impaktu ida pozitivu tebes,