Koordenadór USP- PD Herculando do Santos hatete, ohin marka tan istória foun ida iha  Partidu Democrátiku nian , liu husi semináriu Nasionál ida ne’e reafirma ezistensia Uniaun Profisionál Saúde, PD ba tinan rua.

 "Ita reafirma existencia Uniao Profesionál Saúde PD, ne’ebé harii iha dia 23 Novembro 2022, no kumpri ona nia ezistensia ba tinan rua. Organizasaun ne’e, maske ho otas foun, maibé mai ho mehi bo’ot, atu  kontribui habo’ot Partidu Democrátiku, no fo kontinuidade ba misaun libertasaun povu liu husi setór saúde" dehan Kordenadór USP-PD Herculando dos Santos ba Jornalista sira iha Salaun CNE, Sabad, (15/03).
Nia dehan iha konstutuisaun Repúblika Democrátika Timor-Leste iha artigu 46  kona ba direitu partisipasaun polítika no artigo 57  kona ba Saúde.

"Resolusaun OMS, ODS no International Health Regulation, planu estratéjia nasionál setór Saúde, ne’ebé sai baze ba dezenvolvimento programa UPS-PD nian, iha estatuto PD, artigu 21- 27 membru partido democrátiku nia direitu no dever no art.93 - 95  departamento Saúde , no kompozisaun, knaar no responsabilidade," nia dehan.

Nia informa ema haree katak iha militantes PD barak mak ho background profissionais saúde, maibé iha difiakuldade no limitasaun atu organiza malu hodi halo diskusaun ba dezenvolvimentu setór saúde Timor-Leste.

"Seidauk iha  mahon ida ne’ebé, halibur profissionais saúde militantes PD, hodi promove diskusaun no  hamosu ideias konstrutivas ba dezenvolvimento setór saúde, tuir ideologia no vizaun PD nian. Tanba ne’e UPS PD, eziste hodi unifika profissionais saúde, ho militantes PD hodi hadia,hametin no hatutan vizaun PD nian ba dezenvolvimentu Setór Saúde Timor-Leste," nia informa.

Iha fatin Prezidente Partidu Demokratiku, Mariano Asanami Sabino informa, ezistensia UPS-PD ne'e importante, la'ós atu reforsa membru partidu demokratiku nia, maibé atu konsolida no reforsa liu tan, papél responsabilidade nu'udar ema médiku hodi salva ema nia vida.

"Juramentu primeiru ba pesoalidade kuandu, atu sai médiku mak jura atu salva la iha liafuan foti liman maske ita hatene katak susar atu salva, doutór ida nunka foti liman nia salva too nia destinu to'o," dehan Prezidente  Partidu Demokrátiku.

Nia dehan ema hotu-hotu hatene katak Partidu baibain harii iha nian prinsipiu kontínuadidade espiritu ba lutadór sira nian.

"Ita hotu hatene ita nia partidu harii la'ós partidu baibain, ita harii partidu demokratiku ho nia prinsipiu kontinuidade espiritu lutador sira nia, atu kontrui rai ida ne'ebé mak sira proklama nu'udar Repúblika demokrátika Timor-Leste", nia dehan.

Tanba ne'e partidu demokratiku harii atu bele oinsá mak fó valor no prinsipiu demokrasia nia abut ne'e metin to'o iha aldeia no suku ne'e metin iha Instituisionál estadu.

Entretantu iha Semináriu Nasionál husi Uniaun Profisionál Saúde, Partidu Demokrátiku ne'e mós sei fó posse mós ba Estrutura sira husi Nasionál no mós Munisípiu sira hamutuk na'in 15.