"Horseik (Sabadu) ita konsege kaptura estudante na'in haat ne'ebé tama ilegalmente husi area fronteira tereste, sidadaun hirak ne'e timor-oan hotu," dehan Komandnate João via telefone, Domingu ohin (12/04).
Hafoin kaptura, nia hatete, UPF entrega sira ba ekipa konjunta minsteriu saúde (MS) hodi submete ba konfinamentu obrigatiru durante loron 14.
Iha fatin ketak, kordenador Sala Situasaun Sentru integradu jestaun Krize ba Konfinamentu Aurelio Guterres hatete, nia parte simu ona Timor-ona ne'ebé tama ilegal no no hamata ona iha fatin konfinamentu obrigatoriu.
“Ami ekipa SIJK simu ona ita-nia estudante Timor-oan na'in 4 horiseik (Sabadu), tama mai Timor-Leste liu husi (dalan) ilegal, bainhira serbisu patrullamentu UPF iha fronteira kaptura entrega kedas mai ami dadaun tau ona sira iha fatin konfinamentu obrigatoriu,” dehan nia.
Enkuantu, portavoz Sentru Integradu Jestaun Krize doutor Rui Maria de Araújo hatete, governu deside ona taka portu entrada sira, maibé estudante Timor-oan sira kontinua la koopera ho di'ak no hakarak utiliza dalan terik hodi tama ilegal mai teritóriu Timor-Leste.
"Informa mós ba públiku katak horseik ho ohin iha Timor-ona na'in 4 mak tama klandestinamente liu husi fronteria tereste no forsa tarfea rápida foti medida no lori sira mai ona Kuarentina iha Dili," dehan nia.
