UNPAZ tárjetu simu estudante foun 4.500 ba tinan 2024 Featured

By Estajiária Olandina Ximenes Janeiru 22, 2024 2605
Edifisiu UNPAZ. Foto:Google. Edifisiu UNPAZ. Foto:Google.

DILI: Universidade da Paz (UNPAZ), nia tárjetu sei simu estudantes foun hamutuk 4.500 ba tinan akadémiku 2024, bazeia ba nia infraestrura no rekursu umanu.

Diretór Jerál Unidade Administrasaun Akadémiku Asuntu Estudantíl (UA-AAE) UNPAZ, Almerindo Bianco Sequeira hatete, UA-AAE unidade ida ho nia papél serbisu hahú simu estudante foun ba tinan akadémiku 2024.

“Dezeña kalendáriu akadémiku ba tinan anuál ida nian, depois simu estudante foun no fó teste ba estudantes foun hodi halo selesaun,” Dehan Diretor Jeral UA-AAE UNPAZ, Almerindo Bianco Sequeira ba Jornalista INDEPENDENTE, Kinta (18 /01).

Nia relata, UA-AAE halo hela programa importante maka simu estudantes foun hahú iha loron 12 fulan-Outubru to'o iha 25 fulan-Janeiru ne'e inskrisaun ba iha etapa primeiru, etapa segundu atu simu estudante foun ne'e iha loron 12 fulan-Fevereiru to’o loron 24.

Nia afirma, orientasaun akadémiku hahu iha 26 faveiru to'o 1 fulan-Marsu tinan 2024, prosesu aprendisajen loloos ba iha estudante foun ba tinan akadémiku  ne'e  sei hahú iha loron 4 fulan-Marsu 2024.

“UNPAZ simu estudante foun provizóriu iha ona 1.995, tarjetu UNPAZ sei simu estudantes hamutuk 4.500, dadaun ne'e UNPAZ simu ona 45% ne'ebé seidauk teste, sei halo teste husi teste ne’e mak sei hare sira ne'ebe merese,” hatete nia.

Iha UNPAZ, Fakuldade kompostu husi Fakuldade Ekonomia, Direitu, Siensia Sosiais Humana, Saúde Públiku No Siénsia Médikas, Enjeñaria, No Teknolojia Agrikola, fakuldade 6 iha nivel lisensiatura programa estuda departamentu iha 21 nível mestradu.

 “Ne'ebe mak hala'o hela nia programa akadémiku ensinu aprendizajen bazeia ba lisensa operasionál ne'ebá maka mai husi Ministeriu Ensino Superior, UNPAZ hare ba iha pillár tolu prosesu ensinu aprendizajen, prátika, ikus liu mak estájiu sosiál servisu komunitáriu ne'ebé mak pillar tolu universidade jere  bazeia ba sistema akadémiku mundiál,” Nia informa.

Nia haaktuir, liu-liu sistema akadémiku ne'ebé maka adopta husi Governu Timor-Leste tuir kuríkulu mínimu ne’ebé eziste iha Ministériu Ensinu Superiór Siénsia no Kultura.

Nia afirma, UNPAZ sei hala'o orientasaun akadémiku iha fulan fevereiru foka liu ba semináriu, atu eduka joven sira-ne'ebe maka foin tama, semináriu fó husi sira média, NGO, parte Governu ida ne'ebe mak hare sira-nia programa hanesan universidade nian sira sei mai fó semináriu hahú iha loron 26 fulan-Fevereiru to'o iha 1 fulan-Marsu ne’ebá etapa primeiru.

UNPAZ iha Departamentu 7 iha nível Doutoramentu, UNPAZ iha programa estudu 2 totál programa estudu ba estrata1 total hamutuk Departamentu 21 aumenta mestradu ni’an 7 hamutuk 28, mais departamentu 2 iha Doutoramentu ni’an hamutuk programa estudu 30 eziste iha UNPAZ.

Rate this item
(0 votes)

Independente Digital TV