UNP + A Sia Iha Suku Bahú Hein Inaugura

Novembru 23, 2024

Nasional

UNP + A Sia Iha Suku Bahú Hein Inaugura ^Featured

By Saturnina da Costa Marsu 01, 2023 761

Uma Naroman ba Povu. Foto:Dok/INDEPENDENTE.

DILI: Xefe Suku Bahú, Postu Administrativu Baukau-Vila, Munisipiu Baukau, Francisco Rodrigues Gusmão hatete, Uma Naroman ba Povu sia (9) ho kategoria plus A (+A), iha suku refere hein atu halo inaugurasaun, tanba proseu konstrusaun remata ona.

“Prosesu kontrusaun ba UNP plus A sia ne’e remata ona, hein deit atu halo inaugurasaun,” dehan nia ba Online INDEPENDENTE via telephone, kuarta ne’e (01/03).

Nia dehan, UNP ho kategoria plus A sia ne’e, iha kada aldeia hetan uma ida (1).

Aleinde, ba UNP ho kategoria plus B (+B), iha suku refere iha uma-kain 37 husi aldeia lima (5) hanesan, Aldeia Makadai, Ro-Úlo, Lamegua, Ana-Ulo, Boíle.

Entretantu, nia dehan, molok ne’e, Uma Naroma ba Povu faze dahuluk iha Suku Bahú, Governu liu husi Ministeriu Administrasaun Estatal (MAE) ho Sekretariadu Tekniku Programa Nasional Dezenvolvimentu Suku (PNDS) implementa uluk uma tolu (3) iha Aldeia Makadai, Suku Bahú.

Rate this item

(0 votes)

Last modified on Kuarta, 01 Marsu 2023 10:15