Reprezentante UNICEF iha Timor-Leste, Ainhoa Jaureguibeitia senti kontente hodi entrega fasiidade bee, saneamentu no Ijiene (BESI), iha Sentru Saude Komunitaria (SSK), hamutu 10 iha Munispiu Lautem no REAOA.
Reprezentante UNICEF hatutan, atu asegura no fasil asesu bee, saneamenru no ijiene ne’e, nu’udar komponente importante ida husi kuidadu saúde tanba bele hamenus transmisaun moras ho efetivu.
“Ne’e singifika katak bee seguru, sintina funsiona no fasilidade ba tratamentu lixu ho seguru tenki sai nu’udar la negosiavel iha kualker fasilidade saúde, tanba ne’e bele fó protesaun dahuluk hasoru moras hanesan, dierea, kolera, tifoida, má nutrisaun, gripe no pneumonia,” dehan Reprezentante UNICEF iha Timor-Leste iha salaun Novu Turizmu, Segunda (24/02/25).
Nune’e, Reprezentante UNICEF ne’e hatutan, ba future, UNICEF nafatin iha komprimisiu apoiu esforsu husi governu konaba dezenvolvimentu padraun nasional BESI iha fasilidae saúde sira, no hamosu evidensia ne’ebé sufisente hodi hasa’e diak liu tan ba intervensaun sira ne’ebé mak hala’o ona.
“UNICEF mós sei apoiu dezenvolvimentu kapasidade ba ofisial saúde sira, atu mantein no hadi’a fasilidade sira ne’e, nune’e investimentu importante ida ne’e, bele fó benefisiu ba jerasaun sira tuir mai,” katak Ainhoa Jaureguibeitia.
Iha fatin hanesan, Embaixador Japaun iha Timor-Leste, Testsuya KIMURA hatete, fasilidade fase liman nian ne’ebé UNICEF entrega hola parte iha projetu hadi’a nutrisaun labarik nian, ne’ebé finansia husi japaun hahú husi tinan 2022, ho montante millaun tolu ($3 milloens).
“Ohin, ami entrega fasilidade WASH hamutuk sanolu ba sentru saúde komunitariu sira iha Lautem no Oecusse,” katak embaixador.
Embaixadór Japaun iha Timor-Leste ne’e akresenta, iha tinan 2024, nia parte partisipa iha seremonia entrega sintina sira iha EBF Vairoque Lautem. Tan ne’e obrigado ba nia parseria UNICEF no Ministeriu Saúde.
Nia parte Kontenti tanba Japaun bele kontribui hodi fornese kuidadu saúde kualidade ba komunidade lokal sira.
“Ha’u hein katak fasilidade hirak ne’e, sei utiliza ho efetivu iha tinan barak oin mai. Ha’u hakarak agradese ba Ministeriu Saúde ba koordenasaun, no husu atu garante manutensaun diak ba instalasaun srira no fó monotorizasaun no apoiu ba atividade husi grupu iana sira, hodi nune’e realizasaun projetu ida ne’e sei dura,” Embaixador hato’o.
Iha Biban hanesan, Vise Ministru Fortalesimentu Instituisaun Saúde, José dos Reis Magno hatete, hodi IX governu nia naran liu husi Ministeriu Saúde espresa sentidu grantidaun ba apoiu kooperasaun kontinua ne’ebé fornese husi governu Japaun, liu husi nia embaixador no UNICEF nian.
“Nudar sentidu solidareidade atu haforsa hametin no mellora ami nia sistema nasional saúde partikularmente fortelese kuidadu saúde primaria, ho objetivu atu hadi’a saúde no bem estar povu tomak iha Timor-Leste iha nivel hotu-hotu,” Vise- Ministru hato’o.
Tanba ne’e, Governante ne’e hatutan, Ministeriu Saúde konsidera no rekoñese kolaborasaun no kooperasaun mutual ho perseiru dezenvolvimentu bilaterais no multilaterais ho perte interasadas sira.
