Enkuantu, sentru komunitáriu haat ne’e mak hanesan, iha Munisipiu Dili mak Kristu Rei ho Mora Vida Maskal, iha Manatutu mak Futuru Rentau no Baukau mak Baukau Kreativu.
Ekipamentus sira kompostu husi Projetor haat, leptop haat no tablet 42, ne'ebé ho nia orsamentu hamutuk $54,656.
Ministru edukasaun Juventude no Desportu Armindo Maia hatete, ekipamentus ne'e hetan apoiu husi Estadus Unidos Amerika (EUA), hodi entrega ba sentru aprendizajem komunitáriu haat iha munisipiu tolu ne'ebé sai benifisariu ba programa refere. Tanba sira hetan ona formasaun iha àrea oioin hanesa siensia, teknolojia, enjiñaria, arte no matemátika.
"Ekipamentu hirak ne'e sei apoiu iha sira nia implementasaun ba treinamentu idolosentes ba joven sira iha sentru komunitáriu haat ne'e," dehan nia iha Salaun MEJD, Vila-Verde, segunda (06/03).
Tan ne’e, Minisrtu husu ba sentru formasaun haat ne'ebé hetan ona ekipamentus sira ne'e atu uza ho responsabilidade no oinsa atu bele fó benifisiu ba ema barak.
"Sasan sira ne'ebé imi hetan ona tenki uza ho responsabilidade, importante oinsa mak sasan sira bele fó benifisiu ba ema barak liu, la’ós ba imi de'it, maibé bele mós fó oportunidade ba ema seluk," dehan nia.
Iha fatin hanesan, Reprezentante UNICEF iha Timor-Leste Billal Durani hatete, projetu ne'e suporta husi EUA ne'ebé sai mós UNICEF nia ajenda ne'ebé liga ba edukasaun ho teknólojia nian.
"Entermus de utilizasaun teknolojia iha aprendizajem, iha parte ida ne'e foka liu ba estudante sira ne'ebé sai ona husi eskola no ami mós iha programa ida mak Eskola ba Uma ne'ebé uza hotu teknolijia iha ensinu aprendizajem nian," katak nia.
Bilal Durrani esplika, iha kursu ne'e area sira foka liu ba K4 husi abilidade sékulu XXI hanesan Komunikasaun, Kolaborasaun, pensamentu krítiku no kreatividade.
Entretantu, Representante Embaixadór EUA iha Timor-Leste Thomas Daley hatete, projetu ne'e reflete Estadus Unidus nia komprimisiu ba investe iha TL ne'ebé parseria EUA nian hodi habelar oportunidade ba povu Timor.
"Ami kontinua haré hodi hametin ami nia parseria ho ita boot sira iha tinan lima, iha tempo ne'e, ami suporta imi nia esforsu sira atu hadia rezultadu eduksaun iha TL," tenik nia.
Embaixadór informa tan, projetu ne'e to'o ona nia rohan no iha futuru espera katak Governu TL bele aumenta liu tan, atu nune'e ekipamentus hirak ne'e bele fó benifiu no bele kobre iha teritoriu laran tomak.
