Enkuantu, ekipamentu simuladór partu ho tipu rua mak Mama Birthie ho Mana Natalie, ho kunatidade 24 neebé entrega ba kada universidade ho kuantidade ualu (8).

Reprezentante UNFPA iha TL Pressia Arifin Cabo hatete, durante iha TL, UNFPA haree parteira sira mak sai sentru ba feto nia saúde, tanba parteira mak hanesan kuidadores ba inan-no bebe iha momentu neebé inan sira atu partus.

Nia dehan, tan ne'e UNFPA kontente tebes oferese ekipamentus simuladór ba universidade tolu atu hasa'e apoia kualidade edukasaun parteira no suporta asosiasaun parteira iha liña estabelesimentu.

“Ami kontenti tebes atu oferese ekipamnetus simuladór ho naran Mama Birthie ho Mana Natalie, inklui dezenvolvimentu kurikulu nasional estabelesementu laboratoriu baziku ekipamentu modelus anatomikus no mediku, no mós suporta dezemvolvimentu edukadór parteira sira liu husi sira nia apoia partisipasaun treinamentu nasional no internasional,” dehan Reprezentante UNFPA iha UNTL Kaikoli, Sesta (26/01).

Iha fatin hanesan, Vise-Reitór Asuntu Administrasaun Finansas-UNTL, Helio A.C.X Mauquei hatete, poiu ne'e hanesan kontinuasaun deit tanba ne'e importante tebes ba iha estudantes tanba sira-nia servisu sei liga direitamente ho ema no oinsá atu fó partu inan ida.

“No la'ós ida ne'e de'it maibé enjerál oinsá saúde ba inan oan sira, tan ne'e ho intervensaun UNFPA nian kontribuisaun ba iha mortalidade inan no oan iha ita-nia país,” dehan Vise-Reitór.

Vise afirma, ba estudante sira labele hare ekipamentus nee hanesan feramentas ida maibé haree hanesan investimentu ida ba futuru tan ne'e kuida hodi iha tempu tuir mai ba estudante seluk mos bele uza.

Iha biban ne'e, Ministru Ensinu Superior Siensia no Kultura José Honório hatete, reprezenta IX governu hato'o agradese ba UNFPA ne'ebé ajuda ona ensinu superior liliu iha área parteira nian.
Governante ne'e mós husu ba universidade tolu nee atu uza sasán ne'ebé apoia husi UNFPA ho responsabilidade.