Tuir, Porta Voz Agustinho Pinto hateten, profesór kontratadu hamutuk na'in 1.715, ezije ba ME atu suspende prosesu rekrutamentu ba profesór tanba loke bolsa kandidata sei la hakotu problema edukasaun.
“Ami husu ba Ministériu Edukasaun atu suspende prosesu rekrutamentu bolsa kandidatu hodi fó biban rezolve uluk problema kontratadu, reklamante no voluntáriu, ami konsidera sei la hakotu problema,” dehan Porta voz iha Jardim 05 maiu Kolmera, Sesta (26/01).
Porta voz afirma, Ministériu Edukasaun tenki iha vontade nu'udar servidór estadu iha área edukasaun atu trata profesór sira ho dignu nu'udar Timoroan.
Tan ne'e, husu ba Ministra Edukasaun no Sekretáriu Estadu Ensinu Sekundariu atu konsidera karta notifikasaun husi Provedoria Direitus Humanos Justisa (PDHJ) ne'ebé fó iha loron 30 atu hakotu problema no fó solusaun justu ba profesór sira.
Maibé karik ME la iha ona vontade hodi hakotu problema refere mak profesór sei halo manisfestasaun hasoru ME durante fula rua nia laran ne'ebé envolve husi movimentu Universitáriu, Movimentu Sosial, ONG, asosiasaun Manorin Timor-Leste, inan-aman estudantes, veteranus no sobrevivente neebé fó apoiu solidariedade.
