“Autoridade Protesaun Sivil sei responde imediatamente ba vítima sira ne’ebé hasoru dezastre naturais, hanesan material Konstrusaun no orsamentu mão-de Obra no kustu transporte,”dehan Sekretáriu Estadu Protesaun Sivíl, Domingos Mariano Reis, iha komunikadu ne’ebé Online INDEPENDENTE sita.
Sekretáriu Estadu Protesaun Sivíl, apela ba komunidade sira atu hadook an husi fatin risku sira.
Entretantu, Diretór Diresaun Nasionál Jestaun Risku de Dezastre, Mario Lopez, afirma, vitima hirak ne’ebé simu ona material konstrusaun ho orsamentu ne’e, husu atu konstrui fila-fali sira nia hela fatin.
Enkuantu, Komandante Operasaun Autoridade Protesaun Sivíl Munisipiu Vikeke, Inspetór Polísia, Matias da Silva, akresenta, vitima sira ne’ebé APC apoiu ona, dadus ne’e mai husi tinan 2022 to’o mai fulan-Marsu 2023 nian.
Tan ne’e, Komandante husu ba vitima afeitadus sira, kumpri no tenki hadia duni sira nia uma. Bainhira la kumpri no la hadia mak, Autoridade Protesaun Sivíl iha kompetensia no sei fó sensaun ba vitima sira tuir lei haruka.
