Atu finansia ajuda umanitáriu no responde ba aumenta kazu lalais husi kazu Covid-19 iha fulan resente sira iha Timor-Leste.
Ajuda ida ne’e sei foku atu aumenta kapasidade resposta iha área sira mak afetadu liu, inklui iha kapital Dili ne’ebé rejista kazu barak liu to’o agora.
“Pesoal saúde no fasilidade sira iha Timor-Leste dada ona to’o ninia limite ho kazu Covid-19 aumenta ba dadaun iha nivel nasional,” dehan Superviziona resposta umanitáriu husi UE iha Timor-Leste, Olivier Brouant, iha komunikadu ne’ebé Online INDEPENDENTE asesu, sesta ohin (14/05).
Ho nune’e apoiu hirak ne’e atu responde lalais hodi hasa’e kualidade sistema saúde nian luta hasoru Covid-19.
“Ami responde lalais atu kanaliza apoiu urjente nune’e atu garante sistema saúde iha rai laran ekipadu didi’ak atu enfrenta pandemia ida ne’e”.tenik nia.
Finansiamentu husi UE sei apoia Organizasaun Mundiál Saúde (OMS) atu responde ba nesesidade sira urjente liu husi intervensaun oin-oin.
Tanba ne’e, inklui ona hodi aumenta númeru fasilidade ba isolamentu sira ba kasu lijeiru no moderadu sira, fortalese kapasidade ba jestaun husi kuidadu intensivu sira iha ospitál prinsipal sira, hadi’a sistema referénsia no transporte ba pasiente sira, no fó formasaun ba profisional saúde no apoiu. Sei sosa mos sasan vitál hanesan aimoruk, sistema apoiu oxijéniu no ekipamentu protesaun pesoál.
Antesedénsia
Rekupera ona husi inundasaun grave sira mak atinje Timor-Leste iha fulan-Marsu ikus, nasaun husi sudoeste Aziátiku ida ne’e hetan aumentu drástiku husi kasu COVID-19 iha nasaun tomak, ne’ebé reporta kasu besik 3,500 iha loron 12 fulan-Maiu, kompara ho kasu sira menus 100 entre fulan Abril 2020 no Fevereiru 2021. Aumentu maka’as ba kasu sira fó ameasa sériu tebes ba nasaun nia sistema saúde mak frájil, ne’ebé sai sobrekaregadu lalais ho númeru ki’ik husi kasu sira. Dili sai afetadu liu ne’ebé estimativa ba ema na’in 20,000 mak bele infetadu ona.
Tuir agravamentu ba situasaun sira ne’e, governu estende tan estadu emerjénsia to’o loron 1 Juñu hanesan esforsu ida atu kontén númeru ba kasu sira iha rai laran tomak.
Asisten Editor: Saturnina da Costa
