“Ami lori tempu kleur ona atu bele iha sistema ida hodi halo jestaun ba rekursu úmanu no preparasaun atu dezenvolve sistema dijital ne’e kleur, maibé ohin iha oportunidade lansa ona,”dehan Odete, iha Ótel Novu Turismu, sesta ohin (14/05).
Aleinde, ho implementasaun SIRUS ne’e bele hadia komportamentu funsionariu diak liu tan iha futuru.
Nune’e mós atu redus birokrasia atendementu dokumentu no dadus importante sira.
Tuir dadus funsionariu Ministériu Saúde nian iha teritoriu nasiónal hamutuk 6,106.
Diretor Jéral Servisu Korporativu Saúde, Marceilo Amaral informa katak SIRUS ne’e bele realiza, tanba hetan apoiu husi Organizasaun Mundial Saúde (OMS) hodi servisu hamutuk ho Ministériu Saúde.
Entretantu, Reprezentate OMS, Arvind Marthur hatete, mundu ohin loron adapta ona sistema teknolojia dijitalizasaun, tanba ne’e sira hakarak tulun Timor-Leste liu husi Ministériu Saúde hodi redus birokrasia ne’ebe implementa iha MS durante ne,e.
Tuir nia, ba futuru nafatin akompaña hodi halo manutensaun ba SIRUS ne’e.
Asistente Editor: Saturnina da Costa
