Jerente Programa ACbit, Maria Lobato da Silva, hateten, implementasaun programa ida ne’e, finansia husi Uniaun Europeia liu husi programa haforsa hamutuk ho benifisiariu Fokupers no ACbit.

Nia dehan, objetivu jeral husi projeitu ida mak atu halo promasaun ba inkluzaun sosial haforte ekonomia ba feto sobrevivente vitima iha Timor Leste

“Atividade ne’e atu hasa’e konsiensia no apoiu hodi halo reintegrasaun ho inkluzaun sosial ba feto sobrevivente no vitima violensia bazea ba jeneru, hodi hetan vizaun jeral kona-ba pozisaun parte importante sira iha empoderamentu ekonomia,”dehan nia iha edifisiu CNC, Balide, kinta horseik (29/09).

Nia hatutan, aktividade ida ne'e implementa, hodi haree liu ba ambitu violensia bazea ba jeneru no mós importansia ba iha impoderamentu no rekopera ekonomia ba sobrevivente vitima ne'ebe integra ona.

Nia akresenta, projeitu haforsa ekonomia sobrevivente sira, kobre ona munisipiu haat sira hanesan, Ainaro, Baukau, Dili no mós Rejiaun Administrativu Espesial Oekuse Ambeno (RAEOA).

Nia haktuir, molok ne’e, atividade haforsa ne’e halo ona iha Munisipiu Ainaro no agora dadaun halo iha Dili, maibé  antes ne’e halo atividade ba moris no mikro empreza ba merkadu.

“Entaun benefisiariu sira ne'ebé ami hetan iha atividade sira ne'e hamutuk ema na’in 622, husi sobrevivente feto sira,”tenik nia.

"Ami halo semenariu ba sobrevivente sira iha munisipiu Dili hamutuk ema na’in 60,” tenik esklarese.

Dadus ba benefesiariu sira iha munisipiu hamutuk ema na’in 650, sobrevivente sira halo ativdade hanesan homan luhu, suru tais, kuda modo no seluk tan.

Entrentantu, orsamentu ne’ebé Uniaun Europeia(UE)  apoiu ba projetu haforsa ekonomia sobrevivente sira hamutuk dolar amerikanu $133.955,00.

Iha fatin hanesan, sobrevivente Filomena dos santos Oliveira, hateten, nia senti kontente ho programa ne’e, tanba liu husi atividade haforsa ne’e bele fasilita nesesidade uma laran no oan sira nia eskola.