Komandante Unidade Apoiu Servisu (UAS), Maijor Infantaria, Horácio dos Santos “Upulai” hateten, ezistensia UAS liu husi kompaña Enejenaria kontribui makas tebes ba dezenvolvimentu nasional, liu-liu iha setor infraestrutura.
Nia dehan, militar enejenaria sira implementa programa no projeitu hadia infraestrutura no halo kontrusaun haleu iha Munisipiu hotu iha TL hahu kedas lideransa reformadu Jenerál Taur Matan Ruak, Tenente Jenerál Lere Anan Timur to’o agora sei kontinua fatin ho atual Xefi Estadu Maiór Jenerál F-FDTL Tenente Jenerál Domingos Raul Falur Rate Laek hafatin hadia infraestrutura sira tulu povu iha Timor-Leste.
Nia informa, projeitu sira ne’e militar enejenaria Timoroan halo servisu hamutuk ho Forsa Australianu, USA no Enjenasia sivil hali rebahilitasaun infraestrutura no halo kontrusaun foun hodi oferese ba komunidade no iha instituisaunn F-FDTL rasik.
Nia afirma, Aktividade projeitu ne’ebé militar enejenaria halo hahu iha tinan 2009 to’o 2023 mak halo programa ida fo asistensia komunitaria oferese ona kontrusaun no rehabilitasaun eskola, klinika, sentru komunitaria suku, kanalizasaun bee mos ba komunidade, hadia irrigasaun bee sulin ba natar tulun povu agrikutor sira, instalasaun liña elektrisidade, prosesu purifikasaun bee mos ba komunidade lokal ho fasilidade sira seluk hamutuk 62 iha TL.
Nune’e mos iha tinan 2009 to’o 2023 halo projeitu konstrusaun ne’ebé oferese ba instituisaun F-FDTL halo rehabilitasaun no kontrusaun sira hanesan, kazerna ba militar, rezidensia, postu seguransa, klinika ho fasilidade sira seluk hamutuk 60 iha instituisaun F-FDTL rasik.
“Projetu rehabilitasaun no konstrusaun ne’ebé Kompaña Enjenaria iha Unidade Apoiu Servisu halo servisu hamutuk forsa Australiano, Sivil no USA ne’ebé ita oferese ona ba komunidade sira iha Teritoriu Timor-Leste no iha F-FDTL rasik ita total hamutuk 122,” Dehan Horácio nia intervensaun diskursu iha ambitu selebrasaun tinan 15 UAS iha Metinaru(06/03).
Alende ne’e militar enjenaria sira servisu hamutuk ho parseiru sira halo aktividade sira seluk, ne’ebé konsidera ho eskala boot, envolve Timor-Leste nia interese seksaun ida ho efetivu nain 11 partisipa ona misaun ONU iha libanu iha tinan 2011.
Nune’e mos militar timoroan grupu ida partisipa programa asistensia hamutuk ho forsa Australiano ba komunidade iha tinan 2012 to’o 2016 iha Australia no eskuadra ida integra ba enjenaria forsa Australiano ba halo ezersisiu pasifik parnersif iha Papua Nova Guine iha tinan 2015.
Tanba ne’e Relatori sira ne’ebé UAS aprezenta seidauk engloba, servisu emerejensia sira ne’ebé militar kompaña enejenaria halo no aktividade sira seluk ne’ebé konsidera eskala kiik apoiu asistensia ba komunidade no F-FDTL rasik.
“Hau mos hakarak relata katak, iha tinan 2024, militar kompaña enjenaria sei kaer hela obra konstrusaun hamutuk sanulu (10), sei finalize iha tinan ida ne’e, maibe ba deit instituisaun F-FDTL nia lokalizasaun iha munisipiu likisa, Dili, Maliana Oe-Kussi no Baucau, ida ne’e mak rezultadu UAS kontribui ba instituisaun F-FDTL no nasaun liuhusi esforsu komandante sira hotu hahu inisiu to’o agora,” hakotu nia.
