Tribunál Sente Karta Xanana Baibain De'it Featured

By Fevereiru 07, 2017 1838
Karikatur Demokrasia Vs Justisa Karikatur Demokrasia Vs Justisa

DILI: Setór justisa sente deklarasaun Ministru Xanana Gusmão hodi defende arguida Emília Pires baibain ona. Tanba durante ne’e Governu sempre foti pozisaun hodi defende korruptór sira.

Prezidente Tribunál Rekursu, Guilhermino da Silva, sente karta aberta Xanana ba Emília Pires la’ós buat foun. Tanba Governu ábitu hodi defende membru governu sira ne’ebé envolve iha kazu-kazu korrupsaun.

“Buat ida ne’e baibain tiha ona, uluk mós ema intervein hanesan ne’e hodi kontra Tribunál, (no) defende ema korruptór sira iha nivel governu,” dehan Juis Guilhermino hodi responde ka karta aberta Ministru Planeamentu no investimentu Estratéjiku (MPIE), Kay Rala Xanana Gusmão.

Ho kalma, Prezidente Tribunál Rekursu hateten, maski arguida Emília Pires oras ne’e daudaun iha li'ur, maibé neineik nia sei kumpre desizaun ne’ebé Tribunál hatún ona.

Timor-Leste labele husi ba Portugál atu kaer arguida Emília Pires tanba seidauk iha akordu estradisaun ho Portugál.

Tuir Guilhermino hatene, arguida Emília Pires ninia uma iha Austrália, ne’e duni nia ba iha Portugál atu pasa férias. Maibé, nia mós deklara nu’udar sidadaun portugés tanba nia iha nasionalidade Portugál.

Nia hatutan, durante ne’e iha ulun boot balun kritika sistema justisa Timor nian, maibé ne’e sira ko'alia tanba sira la hatene. Tanba sira justifika fali tuir Lei Portugál nian, ne’ebé diferente ho Timor-Leste.

 

Rate this item
(0 votes)
Last modified on Tersa, 07 Fevereiru 2017 11:20

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31