Ministru Transporte no Telekomunikasaun (MTT), José Agostinho da Silva hateten, bainhira konstrusaun Aeroportu Komoro hahú, movimentu aviaun tama sai la'o normál hodi tula pasajeiru sira.

Maibé, nia dehan, bainhira konstrusaun tama to’o kista sei afeta ba movimentu aviaun tama-sai hodi fó risku ba pasajeiru.

"Ita iha aeroportu Kay Rala Xanana Gusmão iha Suai ho Aeroportu iha RAEOA kualidade atu aviaun bele tula ita nia pasajeiru sira tama-sai mai Timor ho viajen ba rai li'ur", dehan nia, iha Palásiu Governu, Sesta (30/11).

Nune'e, Aeroportu rua ne'e prontu fasilita tula pasajeiru bainhira viajen ba rai li'ur.

Nia dehan, Aeroportu Palaban-Oekusi oras ne'e atinji ona porsentu 90%, hein inaugurasaun no hetan sertifikasaun internasionál hodi inaugura atu aviaun bele tama-sai.

Nune'e, Aeroportu Kay Rala Xanana Gusmão inaugura ona, bainhira aeroportu Komoro hahú konstrusaun faze daruak, governu sei koordena kompañia aviasaun aviaun bele tránzitu iha aeroportu rua ne'e.

Nia dehan, konstrusaun ba Aeroportu Internasionál komunidade Japaun apoia finanseiru montante tokon $42.

Ne'e duni, Governu kontinua ezije ba Governu Japaun aselera lalais planu master ho estudu viabilidade no tinan oin hahú konstrusaun