Enkuantu, traballadór na’in 50 ne'e sei ba servisu iha área fabrika na’in sia, peskas na’in 22 no sira ne’ebé antes ne’e kontratu remata ona no kompañia bolu fali sira hamutuk na’in 19.

Sekretáriu Estadu Formasaun Profisionál no Empregu, Rogério Araújo Mendonça hatete, Governu liu husi SEFOPE kria ona kondisaun ba traballadór  timoroan sira ba serivu iha rai-liur ho objetivu ida katak atu hadi'a kondisaun família ka uma-laran nian, no segundu atu hadi'a ekonomia rai-laran no  hasa'e kresimentu rai-laran.

Tan ne'e, Sekretáriu husu ba traballadór sira bainhira ba servisu kuidadu an didi'ak, liliu hadok an husi alkohol.

Nune’e mós husu ba familia sira atu halo kultura didiak tanba oan sir aba servisu iha área risku no tasi laran.

“Lia menon ba traballadór sira  ne'ebé  atu destaka ba iha Korea Súl, husu ba sira atu hadook aan husi alkohol tanba husi alkohol mak sei estraga sira nia isin. Tau ita boot sira nia hanoin didiak ba imi nia inan-aman sira, ida ne'e esperansa ba ita boot sira nia moris di'ak ba família no ba nasaun,” dehan nia iha Salaun Timor-Lodge, Komoro, (04/08).

Ho nune’e, Governante ne'e husu ba traballad’or sira ne'ebé hetan ona oprtunidade ida ne'e atu uza ho di'ak hodi bele la'o ho susesu.

Iha fatin hanesa, Embaxadór Korea do Súl Shin Man Taek hatete, ida ne'e hanesan onra boot ida ba embaixador tanba ba dala uluk bele hamutuk ho SEFOPE hodi partsipa iha seremonia asina deklarasaun entre trabaladór, familia ho SEFOPE.

Tan ne'e, Embaixadór ne'e hato’o parabens ba traballadór sira nia esforsu tomak durante ne’e no to’o tempu sira ba servisu iha Korea Súl.

Shin Man esplika, oportunidade ne'e hanesan osamean ba traballadór sira atu aproveita oportunidade atu dezenvolve an fó haksolok ba família no kontribui ba nasaun Timor-Leste.

“Ita boot sira sei aranka ba servisu iha fatin ne'ebé diak tebes, tan ne'e ha'u nia mensajem ba ita boot sira, ba servisu karik kuidadu an, saúde, seguransa atu nune'e ba ho isin di'ak no fila mos ho isin di'ak,” nia hatoo.

Embaixadór ne'e mos husu ba traballadór sira maske iha Timor sira aprende ona lian korea bázika maibé nafatin kontinua aprende tanba iha instituisaun ne'ebé de'it komunikasaun entre ema ho ema ne’e importante.