Tuir Diretór Jerál SEFOPE Carlito Rosario Cabral, hatete, traballadór na’in hirak ne’e, kompostu husi mane na’in 38 no feto 29. Sira ne’e hotu sei ba servisu iha área óspitalidade, órtikultura, kliner, agrikultura, peskas.
“Traballadór hirak ne’e aranka fazeadamente no aban (ohin) sira aranka ona ba Australia,”dehan nia ba Jornalista iha Suai Room, Timor-Plaza, segunda (23/10).
Iha fatin hanesan, Sekretariu Estadu Formasaun profissionál no Empregu Rojériu Aroujo Mendonça hatete, mobilizasaun laboral hahú husi tinan 2012 to’o 2023 hamutuk Timorona na'in 12.269 kompostu husi mane na’in 8.776 no feto na’in 3.703. Husi númeru ne’e iha na’in 817 mak halai sai husi sistema.
Entretantu, Vise-Primeiru Ministru no Ministru Koordenadór Asuntu Ekonómiku no Ministru Turizmu no Industria, Fransisco kalbuadi lay lori IX Governu nia naran hakarak agradese ba SEFOPE ne'ebé pepara ona Joven sira ba servisu iha Australia.
Vise Primeiru Ministru mos hato'o parabens ba traballadór sira ne'ebé liu ona kriteria lubuk ida hodi reprezenta Timor-Leste hodi sai hanesan traballador iha ema nia rai.
"Lori IX Governu nia naran liliu Primeiru Ministru no membru Governu tomak nia hakarak hato'o obrigadu ba familia tomak ne'ebe hetan opurtunidade ba servisu iha Australia." dehan Vise-Primeiru Ministro.
Vise-PM husu ba traballador sira atu ba servisu la’ós atu buka osan maibé tenki lori duni Timor nia naran ba iha mundu liliu Australia.
