Ministru Edukasaun Dulce de Jesus Soares hatete, ME hala'o enkontru ho Komité Revizaun Orsamentu (KRO) ba Orsamentu Jerál Estadu (OJE) 2024, aprezenta pakote fiskal millaun $109.
"Ami konsege aloka millaun $109, maibé ami presiza tan aumenta ka adisional liliu iha salariu vensimentu no mós iha bem servisu, infelismente ami hetan tan adisional millaun $6," deham Ministra iha MF Ai-Tarak laran (24/10).
Ministru afirma, ME husu oramentu adisional, tanba presiza atu aumenta tan manorin na'in 30 ba sentru aprendizajem no mós formasaun Edukativa (CAFÉ-sigla Portugés), tanba eskola refere iha ona koperasaun entre Governu TL ho Portugál.
Governante akresenta, orsamentu refere sei aloka mós ba konstrusaun eskola sira iha eskola no halo rekrutamentu ba graduado foun sira husi área edukasaun.
“Ami presiza tan aumenta tan professor na’in rihun 1,”dehan Ministra.
Entretantu, rekorda katak, iha orsamentu retifikativu ne’ebé aloka ba iha Ministériu Edukasaun hamutuk dolar amerikanu $122.457.999 kompostu husi salariu vensimentu $70.512.164, bens no servisu $27.393.904, transferensia públikas $17.513.578, kapita menor $3.568.631 no kapita dezenvolvimentu $3.469.717.
