Traballador na'in-39 asina deklarasaun ho SEFOPE molok desloka ba Austrália Featured

By Ivonia Varela Abril 12, 2024 283
Traballadór na’in hirak ne’ebé atu ba servisu iha kompañia Midfiel Australia, foto hamutuk ho Diretór Jeral no Sekretáriu Estadu, iha Salaun SEFOPE, Kaikoli, Dili, (11/04/24). FOTO:INDEPENDENTE. Traballadór na’in hirak ne’ebé atu ba servisu iha kompañia Midfiel Australia, foto hamutuk ho Diretór Jeral no Sekretáriu Estadu, iha Salaun SEFOPE, Kaikoli, Dili, (11/04/24). FOTO:INDEPENDENTE.

DILI: Sekretaria Estadu Formasaun Profisionál no Empregu (SEFOPE) asina deklarasaun ho traballador na'in 39 molok atu ba servisu iha Austrália.

Traballadór hirak ne'e kontrata husi kompañia MIDFIELD Austrália ho durasaun tinan tolu to'o haat.
Diretór Jerál Formasaun Profisional no Empregu, Carlito do Rasário Cabral hateten, objetivu husi Traballadór sira ba servisu liur ne'e mak primeiru buka osan segundu buka esperensia, loron ida fila mai Timor halo netik buat ruma.
"Ita nia objetivu ba servisu iha ne'eba prinsipal rua, primeiru ba buka osan segundu ba buka esperensia, osan ho esperensia ne'ebé ita hetan ne'e fila mai tenke sai ona hanesan empregador, tenke iha vizaun, entre imi na'in hira iha ne'e ida ka rua mak sai Empregador mos to ona." dehan Diretór Jerál iha salau SEFOPE Kaikoli, Kinta (11/04).
Diretòr ne'e mós husu ba Traballadór sira tenke iha planu rai ona osan, no prepara mós kapasidade hodi fila mai Timor-Leste tenke halo buat ruma molok programa ne'e termina.
Enkuantu, Traballadór na'in 39 ne'e kompostu husi Mane na'in 32, feto na'in 6, no Traballadór foun 21, Traballadór tuan na'in 18.

Rate this item
(0 votes)
Last modified on Sexta, 12 Abril 2024 17:29

Independente Digital TV