PM Viajen ba Nasaun Tolu Partisipa Reuniaun Importante Kooperasaun Bilaterál Featured

By Mariano Mendoça Abril 11, 2024 262
Membru IX Governu Konstituisional akompañia husik hela Primeiru Ministru Kay Rala Xanana Gusmão, iha Aeroportu Internasional Nikolau Lobato, Dili, atu ba Nasaun Tolu Partisipa Reuniaun Importante Kooperasaun Bilaterál. (10/04/24). Foto:Media GPM. Membru IX Governu Konstituisional akompañia husik hela Primeiru Ministru Kay Rala Xanana Gusmão, iha Aeroportu Internasional Nikolau Lobato, Dili, atu ba Nasaun Tolu Partisipa Reuniaun Importante Kooperasaun Bilaterál. (10/04/24). Foto:Media GPM.

DILI: Primeiru-Ministru (PM), Kay Rala Xanana Gusmão, hala’o viajen servisu ba nasaun tolu hodi partisipa reuniaun importante sira ne’ebé sei hametin kooperasaun bilaterál Timor-Leste nian.

"Dezlokasaun Xefe Governu nian ne’e nu’udar vizita ofisiál sei hala’o uluk ba Reinu Unidu, PM Xanana sei to’o iha Reinu Unidu iha loron 11 Abríl. Tuir ajenda PM Xanana sei enkontru ho Konsellu Sénior kona-ba asuntu sira ne'ebé relasiona ho fronteira marrítima nian. Iha loron 14 to’o 18, fulan Abríl PM  reprezenta Prezidente Repúblika, José Ramos-Horta partisipa iha konferénsia Oseanu ba dala-sia, iha Atenas, Gregu. Nune’e, iha loron 18 Abríl Xefe Ezekutivu ne’e partisipa iha esposizasaun Arte Internasionál ba dala-60, ne’ebé hala’o iha Biennale de Venice Italia," dehan komunikadu ne'ebé INDEPENDENTE ne’e asesu horisehik (10/04/24).

Iha Xefe Governu nia vizita ne'e akompaña husi, Sekretariu Estadu Arte no Kultura (SEAK), Jorge Soares Cristovão, hamutuk ho artista timoroan, Maria Madeira sei hala’o lansamentu espozisaun arte konteporánea husi tais Timór no filme dokumentáriu kona-ba feto Timor-Leste ne’ebé aprezenta iha Expoziasaun Internasionál Biennale de Venice-Italia.

Espozisaun ne’e rasik sei hala’o durante fulan hitu, Abril to’o Novembru 2024, sei partisipa hosi nasaun 90 no Timor-Leste hahú hala’o ona preparasaun masimu atu promove Timor-Leste ninia obra arte konteporánea oin-oin.

Iha espozisaun ne’e, Timor-Leste sei aprezenta projetu istória feto Timor-Leste ne’ebé prepara hosi Artista, Maria Madeira ho tema “Kiss and Don’t Tell” (Rei, Mais Labele Ko’alia), ne’ebé apoia hosi Kuradora, Natalie King ho ekipa produtor filme hosi Austrália, Artista Timor-oan, Alfeu Pereira no pintór sira hosi Grupu Arte Moris.

Entretantu, PM Xanana sei hala’o servisu nasaun nian iha nasaun tolu ne’e hahú loron 10 Abríl to’o loron 23 Abríl 2024 sei fila hikas mai Timor-Leste.

Iha fatin ketak Vise Ministru Asuntu Parlamentár Aderito Hugo hatete, Durante Primeiru Ministru halo vizita sub traballu bá estranjeiru delega hela bá Vise Primeiru Ministru no Ministru Koordenadór Assuntu Ekonómiku no Primeiru Ministru no Ministru Koordenadór Assuntu Sosiais.

Sira na'in rua rotativamente Primeira semana Vise Primeiru Ministru Francisco Kalbuadi Lay no Segundu Semana Vise Primeiru Ministru Mariano Assanami Sabino hodi hein to'o Primeiru Ministru fila-fali mai ita nia rain Timor.

Primeiru Ministru bá iha loron 10 no sei fila-fali mai iha 23 Abríl, purtantu períodu semana rua ne'e vise PM na'in rua maka sei subtitui rotativamente hodi kontinua kordena serbisu governante sira nian Inklui konvoka reuniaun Konsellu Ministru nian hanesan regular kada semana.

"Sim ita nia Primeiru Ministru vizita Ofisial tolu ida iha Reinu Unidu, ne'ebé ke Gabinete Primeiru Ministru nian imi hotu hatene kompetensia liga ho negosiador prinsipál ba fronteira Maritima nian kontinua halo kontaktu ho potensia legal ne'ebé durante iha esperiénsia ona serbisu hamutuk ho PM liga ho fronteira Maritima TL ho Austrália," nia dehan hafoin reuniaun Konsellu Ministru iha Palasiu Governu, Segunda (09/04).

No kontinua PM halo kontaktu nafatin ho entidade peritus sira ne'e para depois preparativu atu tama ba negosiasaun Fronteira Maritima no Terrestre ne'ebé Timor infrenta hela ho Indonézia. Purtantu PM kontinua loke komunikasaun ho parte sira ne'e para depois preparativu hotu-hotu kualker tempu tama ona ba negosiasaun sira ne'e.

Vizita Ofisial seluk maka PM bá iha Grese ne'e bá liga ho Oseanu ninian, partisipa iha konferesia boot ida.

"Imi hotu hatene iha Gabinete PM nian mós halao atividades iha serbisu Gabinete ida para Gabinete Blou Oseanu ninian ne'ebé ke iha konferesia boot ida iha Grese, PM sei partisipa iha reuniaun ne'e," nia dehan.

Vizita Ofisial ikus maka ba loke atividades expo nian iha Vinizit ne'ebé ke Timor-Leste ninia prezensa iha ne’eba kordena husi Gabinete Ministru Juventude Desportu Arte no Kulturá ne'ebé ke agora dadaun Sekretáriu Estadu Arte Kulturá Jorge Cristovao hala'o hela serbisu namanas preparativu.

"No delegasaun PM nian einkompostu mós ho membru Governu na'in hira inklui ita nia Ministru Juventude Desportu, purtantu iha atividade tolu PM halo durante ninia vizita bá li'ur," tenik nia.

Rate this item
(0 votes)
Last modified on Sexta, 12 Abril 2024 17:40

Independente Digital TV