Sekretáriu Estadu Igualidade Inkluzaun, Maria do Rosario Fatima Coreia hatete, programa ne'e tau ona iha planu annual nian, ne’e duni hein halo enkontru ho media sira no oinsá atu fó mós formasaun ba kolega média sira atu sensivel ba asuntus igualdade no inkluzaun.
"Hanesan ita hotu hatene, planu ida ne'e ami tau ona iha planu anual nian oinsá atu halo enkontru ho media sira no oinsá atu fó mós formasaun ba kolega média sira atu sensivel ba asuntu igualdade no inkluzaun, liu-liu oinsá atu halo kobertura mós ba iha maluk difisiensia ho komunidade sira," dehan Maria do Rosario Fatima Coreia hafoin enkontru ho media sira iha Salaun Maria Gorete SEII, Kailoli, (19/12).
Nia dehan, atu labele halo diskrimasaun iha kobertura, tenke tau ona linguajen ne'ebé sensitivu ba iha portador difisiensia sira nomós komunidade LGBT, ida ne'e planu ne'ebé mak SEII tau ona ba planu 2023 nian.
" Ita uza grande opsaun iha programa bo’ot rua, ida mak boa-governasaun menshow no programa ida tan mak igualdade no inkluzaun. Husi ne’ebá ita iha sub-programa depois ho programa sira ne'e ami alina kedas ba iha ami nia objetivu haat mak nafatin hala'o advokasia atu integra prodansi intregradu jéneru iha polítika, Lei no Programa anual," nia akresenta.
Dahuluk mak advokasia, Objetivu segundu mak oinsá atu halo redus violensia ne'ebé mak feto no labarik sira hasoru, terseiru mak oinsá atu bele fo nafatin biban ba feto sira atu hasae sira nia ekonomia, objetivu haat mak oinsá bele fo espasu ba partisipasaun feto hodi foti desizaun iha nivel nasionál, munisipal no mós iha suku.
"Ami nia programa ne'e bele bazeia kedas ba Dekretu lei númeru 17/2019 ne'ebé mak fo knaar ba ami atu halo programa sira ne'e depois iha programa sira tuir mai, sub programa atividade sira mak hanesan dadaun ita iha programa regular enkontru ho media sira," nia dehan.
Nia dehan, SEII nia sub programa hamutuk 12 no atividade sira hamutuk 25, SEII ninia Orsamentu hamutuk 2 Milloens ital idane ne'e mak tinan oin atu haree ba programa sira ne'ebé iha inklui mós planu atu fó formasaun ba média sira oinsá atu serbisu hamutuk haree ba asuntu igualidade no inkluzaun nian.
Entretantu, Objetivu enkontru ohin ne'e atu fahe rezultadu monitorizasaun evaluasain ne'ebe departamentu monitorizasaun SEII nian parte iha komunikasaun atu haree oinsá mak rezultadu haree liu ba ba Jornalista sira nia kobertura ba asuntus igualdade no inkluzaun ida ne'e mak parte primeiru.
Enkuantu parte segundu mak oinsá atu bele hametin liu tan liña komunikasaun no koordenasaun entre SEII ho media sira, tanba SEII mós iha programa ida tau ba iha anual nian.
"Entaun ami iha ona ajenda regular ida atu enkontru ho kolega média atu haree liu ba kobertura sensivel ba jéneru no inkluzaun iha ita nia rain no haree atu fahe mós informasaun kona-ba matadalan ne'ebé mak SEII hamutuk ho Kosenllu Imprensa (KI) ne'ebé hetan suporta husi UNDP liu husi programa Spot Ligth nian," nia dehan.
Iha tinan ne'e nia laran halo lansamentu ba matadalan oinsá atu halo kobertura ba asuntus igualdade no inkluzaun ida ne'e mak objetivu ohin loron nian bolu media sira mai atu tau hanoin hamutuk hodi haree ba atividade inkluzaun nian.
