Nia haktuir, governu sei la sosa foos importasaun iha tinan ida ne'e, tanba governu intensiva produtu lokál iha rai laran.

"Ita nia produtu lokál tenke aumenta,ne'ebé agrikultor ne'e importante tebtebes ita hatene ita dependensia makaas ba sasan hotu-hotu mai husi liur ita bele hatete kuaze 75% tan ne'e mak ba oin ita tenke haree ba oin oinsa produtu lokál tanba foos tinan ida ne'e ita seidauk hola tanba stok CLN sei iha hela ne'ebe ita konsentra hola produtu lokál"dehan nia ba jornalista sira iha knar fatin Farol horisehik (15/07).

Nia dehan,foos ne'ebé iha CLN sei  prezerva to'o tinan ida ne'e nian maibé hakarak ka lakoi produtu lokál mak tenke aumenta barak tanba importante atu hasae produsaun rai laran.

Molok ne'e Diretor CLN Jacinto Paijo hatete, CLN prepara hela orsamentu hamutuk Millaun $3 hodi sosa produtu lokál para oinsa bele insentiva grupu agrikultor sira bele hasae produsaun iha rai laran.

Tanba haree ba politika Nono governu nian iha tinan ida ne'e komesa diversifikasaun ekonomia boot ida,tanba setor privadu sira ne'ebé CCI-TL rasik mak lidera komesa koopera ho kompaña Indonézia nian kona-ba natar nian.

"Politika Nonu governu nian reforsa CLN atu promosaun produtus lokál entaun ita halo hela sensibilizasaun lao hela no tempu besik tan ita sei loke tender atu sosa produtu haré iha teritóriu tomak"dehan nia ba Jornalista INDEPENDENTE iha knaar fatin Fomento segunda (10/06).

Tanba orsamentu MKAE aloka ona hamutuk Millun $3 tanb nonu governu ne'ebé koopera ho setor privadu ne'ebé lider husi CCI-TL sira mós komesa halo ona investimentu iha setor produtivu sira hanesan agrikultor sira.

Tanba CLN rasik mós hola parte hotu iha programa CCI-TL nian dala-ruma tun ba kuda haré no koilleta haré ne'ebé halao ona iha Munisipiu Bobonaru,Baucau,ne'ebé ho razaun hirak ne'e mak CLN nudar instituisaun estadu nian iha kapasidade tomak atu sosa produtu hirak ne'e.

"CLN sei sosa produtu ho volume boot tanba orsamentu aloka ona atu sosa produtu lokál ne'e ne'e boot mak iha CLN,entaun CLN hanesan instituisaun hakarak ka lakoi tenke sosa produtu lokál ne'e" dehan nia.

Atu sosa Toneldas Hira?Nia dehan,depende orsamentu ne'ebé alokadu ona karik iha nesesidade duni iha produsaun makaas husi agrikultor sira governu iha kapasidade atu fo solusaun.

Entaun orsamentu ne'ebé atu aloka ba sosa produtu lokál tuir nesesidade governu nian mak orsamentu todu governu entaun ne'e prosesu ba CLN lao hela maibé iha primeira époka seidauk bele sosa tanba natureza TL nian la hanesan.

"Ezemplu Maliana nian bele hahú koilleta mais parte leste seidauk tanba maioria natar ne'e barak mak Baucau kuaze Rihun 14 Hektare,Manatutu Rihun 12 hektare,Tuir mai Same,Vikeke,Kowalima no Bobonaru,restu ne'e baibain"dehan nia.

Tanba iha Munisipiu hotu kuaze CCI-TL halo,nune'e ho hanoin ida katak signifika tinan oin mai TL sei aumenta produsaun iha rai laran.

Prezidente CLN,IP, António Araujo de Jesus hatete, governu hakarak sosa produtu lokál, nune’e bele intensiva produtu lokál husi grupu Sekoop nian hodi bele hasae produsaun iha rai laran.

"Governu iha programa rasik atu sosa produtu lokál oinsa mak ita atu haree kooperativa iha parte agrikola nian iha partisipasaun sira nian ba iha programa ne'ebé governu tau dadaun ona atu bele iha benefisiu ba agrikultor sira"dehan nia