Iha deklarasaun rikusoin ne’e, Taur Matan Ruak no Isabel hamutuk ho nia oan sira iha osan totál hamutuk ne’ebé depozita iha banku ho osan dolar amerikanu hamutuk US$ 77.068,84, nune’e ho osan moeda dolar hamutuk AU$ 19.353 no Rupia (Rp) 33.000.
Valór osan ne’e kompara ho tinan 2016 iha liubá hetan aumenta kuaze US$ 18.651 ka iha tinan kotuk totál saldu osan ho moeda dolar amerikanu ba família Matan Ruak hamutuk US$ 58.417,35 no iha moeda dolar australianu AU$ 19.353.
Tuir mai osan ne’ebé Taur Matan Ruak iha hodi Depozita iha Orden Partikulár ho Eis-Titulár, Taur Matan Ruak, IBAN hamutuk, US$ 1.686,40 iha loron (18/8/2017).
Depozita Orden Partikulár (US$) ho eis titulár sira tuir mai, Taur Matan Ruak, IBAN TL3800200 1671713210 00162 Kaixa Jerál Depozita sukursál BNU Timor ho saldu hamutuk, US$ 19.625, rai iha banku iha loron (21/8/2017).
Depozita Orden Titulár, (US$) Isabel da Costa Ferreira númeru konta 60100001163512 Lahane Barat, Dili Barat Dili 88110 PT. Banku Mandiri Dili, Dili Branc 60100 data imprime (20/3/2012) 6010034 ho saldu hamutuk US$ 7.090, rai iha loron (21/8/2017).
Westepec Esaver (AU$) ho titulár sira tuir mai, Isabel da Costa Ferreira, Brach BSB númeru 035302 account number 032729 280971 Westpac Banking Corporation ho saldu totál AU$ 7.304, rai iha loron (3/8/2016).
International Bearing Deposit (AU$), ho titulár, Isabel Costa Ferreira account number 035306 325451 Westpac Banking Corporation ho saldu totál AU$ 12.049, rai iha loron (3/8/2016).
Depozita Poupansa Haliban (US$) ho titulár, Lola Ruak Ferreira de Vasconcelos, IBAN TL 3800200 1988239017 00114 Kaixa Jerál Depózitu sukursál BNU Timor ho saldu totál US$ 18.714,18, rai iha banku loron (18/8/2017).
Depozita Poupansa Haliban (US$) ho titulár, Quesadhip Rua Ferreira de Vasconcelos, IBAN TL 3800200 561689017 00114 Kaixa Jerál Depózitu sukursál BNU Timor ho saldu hamutuk US$ 16.558,35, rai iha banku loron (18/8/2017).
Depozita Poupansa Halibar (US$) ho eis titulár, Albertina Tamarisa Ruak Ferreira V, IBAN TL3800200 561698017 00114 Kaixa Jerál Depózitu sukursál BNU Timor ho saldu US$ 13.349,91, rai iha banku loron (18/8/2017).
Depozita Orden Partikulár (Rupia) ho titulár Isabel Costa Ferreira ho númeru konta 1610001562573 KCP Atambua 6010034 ho saldu totál Rp33.000 (Rupia), rai iha loron (21/8/2017).
Entretantu rikusoin privadu seluk ne’ebé Taur no Isabel iha maka hanesan, rai privadu ho metru kuadradu 18.00 lokalizada iha Metiaut, Postu Administrasaun Kristu Rei, Munisípiu Dili ne’ebé rejista ona iha DNTP. Ho númeru referénsia deklarasaun nian, 51-5.073-52885 (A).
Terenu urbanu (destinadu ba konstrusaun) lokaliza iha Suku Ossu-Una, Postu Administrativu Baguia, Munisípiu Baukau, adkiridu husi eransa parte iman/aman António Vasconcelos no Albertina Amaral seidauk halo rejistu rai ba DNTP.
Terrenu Urbanu (ho prédiu rústiku,oras ne’e arendadu hela)ho metru kuadradu 47.000, lokalizadu iha suku Letefoho Postu administrativu Same Sidade Same Munisípiu Manufahi,hetan eransa husi parte inan/aman konjuze (Mateus da Costa Ferreira no Ana Flora de Jesus Ferreira) atribui husi Buletin Ofisial Timor nian númeru 41 pájina 1124 loron 15 fulan Outubru tinan 1966,seidauk rejistu iha konservatóriu rejistu ba DNTP.
Terrenu Urbanu (destina ba konstrusaun)ho ektare 130, lokalizadu iha Suku Betanu Postu Administrativu Same Munisípiu Manufahi adkiridu eransa husi parte Aman/Inan konjuze nian, (Mateus da Costa Ferreira no Ana Flora de Jesus Ferreira) atribui husi Alvará Konsesaun nian emitidu husi Governadór Timor iha loron 22 fulan Abríl tinan 1960, ne’e mós seidauk rejistu iha DNTP.
Nune’e rikusoin privadu seluk ne’ebé Taur no Isabel iha maka hanesan, ativu patrimóniu veíkulu sira, Land Rover, veíkulu ba terrenu ne’e tomak(4x4),, ho matríkula 10002 TLS rejista iha tinan 2001.
Toyota Mistsubishi, karreta lijeiru (sedan),ho matríkula 10003 TLS,rejista iha tinan 2002.
Toyota Avansa, veíkulu tudo terrenu (sedan) ho matríkula LQT 1078 TLS rejistu iha tinan 2016.
Tanba ne’e Sosiedade ne’ebé iha kapitál, hanesan titulár ba nia, husi konjuze ka husi oan sira, kapitál ne’e nian.
Iha karta renovasaun ba rejistu interese rikusoin ne’ebé aprezenta ba Prezidente Tribunál Rekursu, Deolindo dos Santos, hanesan eis-titulár, Taur Matan Ruak dehan, deklarasaun ne’e hanesan kompromisu no konsiderasaun ida atu TR bele hatene.
“Ha’u haruka ba efeitu fiskalizasaun tuir lei 7/2007 loron 25 Jullu ne’ebé hateten kona-ba estatutu titulár sira órgaun soberania nian. Deklarasaun interese kona-ba enumerasaun kargu sira hotu, funsaun no atividade profisionál sira ne’ebé ezerse husi deklarasaun, hanesan mós finanseira ruma,” dehan Taur iha ninia karta deklarasaun ne’ebé aprezenta ba Tribunál Rekursu, Kinta (24/08).
Taur dehan, deklarasaun ne’e halo hodi aproveita oportunidade hodi renova iha Tribunál Rekursu kona-ba ninia disponibilidade atu klarifika konteúdu deklarasaun sira no atu esklarese duvida ruma ne’ebé mosu, ne’e atu bele garante transparénsia hodi bele goza ba direitu no regalias posialis, hanesan mós monitorizasaun ba rejime inkompatibilidade nian previstu iha lei 7/2007.
“Atu kompara ami nia osan iha tinan 2012 ami nia osan ona uitoan maibé iha tinan lima nia laran ami halo uma no osan menus tanba ami moris de'it ho ami nia saláriu no la iha fundu seluk,” dehan Isabel.
Iha inisiu Taur Matan Ruak asume kargu Prezidente Repúblika, iha tinan 2012, família Matan Ruak aprezenta ba Tribunál Rekursu hamutuk US$ 208.304,35 ne’ebé depozita iha banku.
Nune’e, iha tinan 2013, família Matan Ruak iha osan dolar amerikanu hamutuk US$ 85.758,73 no iha moeda dolar australianu hamutuk AU$ 5.408,66.
To’o iha fin-du mandatu nu’udar Prezidente Repúblika, família Taur Matan Ruak, iha osan moeda dolar amerikanu hamutuk US$ 58.417,35 no iha moeda dolar australianu hamutuk AU$ 19.353.
