Nia haktuir, tinan ne'e CNC foti tema kona ba atu introduz justisa tranzitor. Tan nee, iha tinan tolu ikus CNC hakarak agradese ba liña ministerial sira, tanba fó ona komfiansa bo'ot ba tema ida ne'e "Justisa Tranzitor", nee duni ho kapasidade Institutu no rekursu ne'ebe iha, Ministeriu no organizasaun sosiedade sivil sira hahu integra politika no mekanizmu saida mak justisa tranzitor.
"Ami fiar ho tema ida ne'e importansia ita nia justisa tranzitoria ba dezenvolvimentu nasional, ita koko atu integra ida ne'e hanesan agora dadaun ita halo ho MEJD komesa elabora materia historia atu integra ba iha ensinu kurrikulum nian," dehan Hugo Maria Fernandes iha salaun CNC, (18/07).
Aleinde ne'e, MSSI ho CNC agora hahu integra no implementa politika ba sobrevivente sira, hodi halo pagamentu pontual, inklui MSSI no CNC hahu hetan apoiu hodi integra oinsa mak atu tuir asistensia saude nian ba iha sobrevivente sira.
Nia dehan, Organizasaun sosiedade sivil sira hahu husi Assosisssun vitima rejistu tenke kontinua, tanba tenke rekoinese Durante tinan 20 sira rejistu hotu p hhhh bysobrevivente sira ne'ebe mak Mukit liu hodi luta ba ukun rasik an.
Ho ida ne'e, CNC hatudu katak maske neneik maibe sira komesa integra mekanizmu sira ne'e iha politika nasional.
Nia informa, Hafoin tinan tolu CNC buka forma ida oinsa mak atu fo apoiu, sobrevivente mais estruturadu no estimadu.
Nia esplika, iha tinan kotuk grupu traballu haparassun, hahu halo desizaun ida katak pressiza iha planu assaun nasional ida Kona-bá reparasaun.
Iha fatin hanesan, Ministru Prezidensia Konsellu Ministru, Fidelis Manuel Leite Magalhaes informa, iha ambitu lansamentu ne'e bele paraliza ba CNC no nia ekipa tomak, ne'ebe mak ho esforsu tomak koesege halo ona buat barak iha tinan 5 nia laran.
"Seminariu ida ne'e iha ambitu tinan 5 CNC nian, hanesan momentu Ida hodi hafanun ita, atu nune'e ita bele halo hanesan diagnostiku Ida ba duvidas hotu ne'ebe mak estadu kontribui ona ba iha tinan hirak nia laran, liuliu fo restaurasaun ba ita nia independensia iha tinan 2002 mai to'o agora," tenik nia.
