Diretór Nasionál DNASE, Joaquim Martins hateten, menu ba merenda eskolár sira-ne'e tuir rekomendasaun husi Ministériu Saúde iha ai-han grupu tolu mak rekomenda ba eskola sira.
"Ita husu ba eskola sira iha territóriu nasionál, liuliu ba sira ne'ebé mak asesu ba merenda eskolár hanesan ensinu pré-eskolár to'o ensinu báziku sentrál tenke kumpre regra ka ai-han ne'ebé mak MS rekomenda," nia hateten iha MEJD, Segunda (18/07/2022).
Menu ba merenda eskolár bazeia ba grupu ai-han ne'ebé tutela husi Ministériu Saúde nian mak hanesan grupu ai-han fo forsa hanesan etu, ai-farina, fehuk no seluk tán.
Aleinde ne'e, grupu ai-han haburas hanesan na'an manu, na'an-karau, na'an-bibi, inklui na'an Sira ne'ebé mak ita bele konsumu.
Iha mós rekomendasaun kona-bá grupu ai-han ba protesaun mak hanesan mostarda, ai-farina-tahan no seluk tán.
Antes ne’e programme Officer WFP Anstasio Soriano informa katak, WFP apoia hela hodi estabeles programa pilotu ba eskola lima iha Díli laran, liga ho to’os eskolár oinsá transforma rai ne’ebé mamuk no maran ba fali rai bokur hodi kuda modo oioin, nune’e kontribui hadi’a nutrisaun labarik sira liu husi programa merenda eskolár.