Ministru Koordenadór Asuntu Ekonomia, Joaquim Amaral, hatete Timor-Leste marka tan istória ida kona-ba prosesu adezaun ba iha organizasaun mundiál komersiu, maibé liuhusi proseu ba iha faze tolu, akordu multilateral, bilateral no trilateral, multilateral iha pais 9, ne’ebé halo hela negosiasaun atu finaliza loke dalan ba Timor-Leste nia asesu merakadu ba sasán no ema servisu sira.
“Akordu ida ne’e nia kontiudu Austrália konkorda atu loke sira nia merkadu, no ita mós loke ita nia merkadu, ba movimentasaun servisu no mós ema,nune’e ita nia produtu sira Timor-Leste ho Austrália bele tama ho tratamentu ne’ebé hanesan”, Joaquim hato’o novidade ne’e hafoin remata asina akordu iha Timor Plaza Sest (15/07).
Nia afirma, akordu ida ne’e hola parte ba iha rekejitu ne’ebé Timor-Leste atu kumpre atu tama ba iha organizasaun mundiál komersiu, ho esperansa katak akordu ida ne’e bele fó sinal ida ne’ebé importante ba iha parseiru hirak seluk ho bilateral ne’ebé iha ona lista kontaktu negosiasaun .
Governante ne’e konta, ekipa iha Timor-Leste konstitui husi ministru nain 9, la sura ho sekretáriu estadu ho Diretór jerál no ajénsia autónomo sira hamutuk 17, ida ne’e mak konstitui ekipa Timor-Leste ba negosiasaun.
Nia informa, Timor-Leste sei servisu lubuk ida ho tempu ne’ebé badak, no sei iha tan reniaun grupu tranbalu rua, ne’ebé sei akontese iha fulan Dezembru .
“Ita ho esperansa boot katak, ita tinan oin, ita sei sai membru organizasaun mundiál komersiu, no produtu ne’ebé atu lori tama, depende ba merkadu ninia nesesidade, sé ita iha produtu premiu ne’ebé sai hanesan ita nia komuditi iportante atu bele sai ba merkadu ho pais nebé ita negosia ita loke dalan no husik mensajen ba iha ita nia setór privadu sira atu haree oportunidade ne’e prepara an, tanba merkadu ne’ebé ita loke laós deit baprodutu maibé merkadu ba servisu “, nia koalia.
Tanba ne’e kompañia no konsultoriu sira, sira bele asesu no faan sira nia servisu iha merkadu no Timor-Leste mós bele asesu ba iha merkadu pais hirak seluk.
Iha fatin hanesan Embaixadora Austrália iha Timor-Leste, Suzy Wilson Uilelea, hateten, ho asia akordu entre nasaun rua ne’e, iha parte servisu no mós sasán.
“Ita nia akordu ba servisu, hanesan traballador ho sertifikadu timoroan bele uza iha autrália no setidifikadu iha Austrália bele uza iha Timor-Leste, trabladór bele halo servisu iha parte sasán hodi produs produtu kafé, modo, maibé bainhira hetan sertifikasaun husi Austrália bele ba asesu iha merkadu Austrália. Agora ita ho vizinu besik, ne’ebé besik suporta ita nia dezenvolvimentu ida ne’ebé boot tebes, ita nia asina tura ida ne’e hatudu dala ida tan Austrália nia ajuda ba iha prosesu tomak anivel multilateral ne’ebé Timor-Leste hakarak prtisipa,”hakotu nia.
