Xefe Estadu hateten, ko'alia kona-ba vitima sira, liuliu bainhira intituisaun mitilasaun, atu haree primeiru verdade buat ida lia-loos, segundu restaura sira-nia fiar, esperansa, dignidade.
Nia dehan, servisu ida rezultadu di'ak tebes admiravel no investigasaun ho rigor, rona testemuña rihun ba rihun, depois rona testamuña tenke haree didi'ak dala-ruma detalla ruma konfunde fatin detallu atu relatóriu ne'e sai.
Tanba, hakerek istória labele amiguidade loos ka la loos se lae buat ruma sala, entaun dada ema ba erru sira ne'e todan ne'e faktu istória.
"Ha'u fó parabens ba Centru Nasionál Chega tinan lima halo servisu, ba imi nia kualidade," dehan PR Horta, iha Balide, Eis Komrka, Sábadu (16/7).
Iha fatin hanesan, Diretór Centru Nasionál Chega (CNC), Hugo Maria Fernandes hateten, CNC hetan tan previleziu ida atu simu Xefe Estadu ha fatin ne'e, kontinua hatudu nia apoiu.
"Tinan ne'e Centro Nacional Chega halo nia aniverasiu ba dala-lima no tema Justisa Tranzitoriu hodi Dignifika Sobrevivente sira," haktuir nia.
Nia hatutan, apoiu husi Xefe Estadu la'ós de'it iha tinan lima, depois CNC harii hamutuk ho Maun Boot Kay Rala Xanana Gismão, Mari Alkatiri, na'in tolu mak foti desizaun ida ba Timor atu haree ba kotuk.
Antes hakat ba oin, na'in tolu nia vizaun trasnforma liuhusi simu malu, lia-loos no rekonsiliasaun. Timor Leste halo ne'e nu'udar jestu responsabilidade ida atu fó hatene ba komunidade no mòs ba mundu saida mak akontese iha Timor.
