Timoroan iha Reinu Unidu-Irlandia Husu Deskataka Notariadu Permanente Featured

By Cristina Ximenes Jullu 07, 2023 673
Embaixadór Reinu Únidu, João Paulo Rangel. Foto:Media Gabinete PR. Embaixadór Reinu Únidu, João Paulo Rangel. Foto:Media Gabinete PR.

DILI: Timoroan iha Reinu Únidu no Irlandia husu governu dasia atu destakamentu servisu notariadu permanente, nune'e fó atendimentu ba sidadaun sira ne'e ho dignu hodi trata sira nia dokumentu.

Embaixadór Reinu Únidu, João Paulo Rangel hateten, hanesan reprezentate Estadu Timor-Leste iha Reinu Unidu reprezentate lider sira komunidade timoroan iha Reinu Unidu no Irlandia do Norte hato'o pedidu ba Estadu TL liuhusi Prezidente Repúblika bele kanáliza ba iha governu.

"Pedidu dahuluk ne'ebé komunidade timoroan sira iha Reinu Unidu no Irlandia do Norte husu ba governu foun, destaka permanente servisu notariadu ba TL nia embaixada no futuru konsoladu iha Irlandia do Norte," dehan nia, iha Palasiu Prezidensiál Bairru-Pité, horisehik.

Nia hatete, prepara edifísiu di'ak ida iha Reinu Unidu  no mós Irlandia do Norte atu simu timoroan sira ba forma ho dignu hodi trata sira nia dokumentu, tanba sira ajuda tebes TL haruka osan mai hodi ajuda devisa Estadu.

Nune'e, husu atu estadu bele kria kondisaun ida ne'ebé di'ak bainhira timoroan sira ba trata sira nia dokumentu, bele iha fatin ne'ebé di'ak, bele hein, bele tur hodi trata labele tur iha estrada iha malirin no udan nia laran. Husu mós atu

loke konsoladu iha Irlandia do Norte hodi fó servisu konsolares ne'ebé estadu loke iha ne'eba hodi tau matan ba Timoroan sira.

Tanba, destakamentu servisu notariadu permanente iha reinu únidu prepara edifísiu di'ak ida iha Londres. Tanba, Timoroan sira ne'ebé iha reinu únidu no Irlandia do Norte la bolu ona traballadór maibé komunidade Timorense, tanba iha ne'eba ema servisu bai-bain mós iha, profesionál, estudante, no ho kategória oin-oin iha ne'eba.

Nia esplika, númeru loloos komunidade Timoroan iha reinu únidu no Irlandia do Norte seidauk iha, Embaixada sei buka atu hatene loloos liu husi sistema inskrisaun konsular ne'ebé Embaixada sei monta, no oras ne'e daudaun tuir informasaun ne'ebé

iha Timoroan besik 30 mill mak moris iha ne'eba.

Tanba timoroan besik rihun 30 mak iha Reinu Unidu no Irlandia do Norte, husu atu Estadu presta servisu di'ak ba komunidade timoroan sira, tanba sira ajuda tebes rain ho remesas ne'ebé tama rain loro-loron, osan barak ne'ebé tama mai Timor loro-loron mai husi Timoroan sira ne'ebé servisu iha ne'eba.

Husi 2003 to'o 2020 remesas ne'ebé komunidade timoroan sira haruka mai Timor sa'e husi tokon $34 to'o $150 no iha 2021 sa'e to'o tokon $170 no tuir kalkulasaun ne'ebé iha to'o tinan ne'e bele atinji tokon $200.

Alende, la'ós ida ne'e de'it maibé ko'alia kona-ba Prezidente Repúblika nia vizita ba

iha reinu únidu iha Novembru.

Entretantu, Prezidente Repúblika José Ramos Horta pedidu tolu ne'e Prezidente Repúblika, José Ramos Horta, apoiu tebes-tebes no sei lori ida ne'e ko'alia ho governu foun nune'e governu foun bele aprova.

Xefe Estadu mós admira tebes komunidade Timoroan sira ne'ebé servisu no hela iha reinu únidu, tanba sira promove tebes, kontribui tebes ho hamorin tebes Timor Leste nia naran iha reinu únidu.

Nune'e mós Xefe Estadu mós hakarak duni apoiu maka'as tebe-tebes no asegura katak pedidu komunidade Timoroan sira nian bele hetan resposta iha tempu badak, tanba komunidade Timoroan sira iha ne'eba hatene katak estadu iha prióridade barak loos, no iha buat barak ne'ebé

emerjensia no importante loos.

Tanba ne'e sira husu pedidu hirak ne'e ho haraik an atu ita nia governu Timor Leste bele responde ho di'ak iha tempu badak, se la responde dala ida de'it, pelumenus nei-neik no tuir etapa.

Iha fatin hanesan, Xefe Komunidade Timoroan iha Irlandia do Norte, Celso Oliveira hatete, buat saida mak embaixadór hatete ne'e loos, no ida ne'e mak ezijensia ne'ebé komunidade Timoroan sira iha ne'eba presija urjentemente atu iha servisu notariadu ida, atu bele halo servisu lalais ba maluk Timoroan sira ne'ebé sira nia dokumentu kado-kado.

Rate this item
(0 votes)

Independente Digital TV