Tuir dadus ne’ebé Jornalista INDEPENDENTE asesu iha pajina ofisial Ministériu Saúde (MS), hatudu katak hahú husi loron 6-29 fulan-Marsu, ema ne’ebé auto-kuarentena iha ida-idak nia uma hamutuk na’in 556, husi númeru ne’e na'in 215 passa ona periodu kuarentena. Enkuantu na’in 341 seluk sei iha faze akompañamentu.

Ba kuarentena ne'ebé governu prepara, husi bloku A to’o N iha ema hamutuk na’in 523. Ho nune'e, total Timor-oan ne'ebé sei tama iha hela periodu kuarentena hamutuk na’in 864.

Entertantu, dadús ne’e hatudu ema ne’ebé durante ne’e sai suspeitu ba Covid-19 iha Timor-Leste hamutuk na’in 11. Liu husi ezaminasaun hatudu ema na’in 10 negativu ba Covid-19, no na’in ida mak pozitivu.

Diretora Prestasaun Servisu Saúde Odete da Silva Viegas hatete, ba sidadaun sira ne’ebé foin mai husi rai liur balun auto-kuarentena iha uma, durante loron 14, labele halo kontaktu ho ema seluk.

Pessoal saúde labele kontrola sira iha oras 24 nia laran, tanba menus rekursu umanu, ida-idak tenke iha konsiensia hodi asegura aan rasik. Bainhira izola aan maka mosu sintomas ruma liga ba ekipa MS atu atende.

“Komunidade ne’ebé mai husi rai li’ur auto-kuarentina maka sente sintomas ruma mosu labele hein de’it parte saúde, maibé bele liga direitamente ba sekretariadu ho númeru 119 hodi hetan atendimentu lalais,” dehan nia, iha Ministériu Saúde, Sesta, foin lalais ne’e.

Entertantu nia mós update kondisaun pasiente ne’ebé pozitivu ba Covid-19 katak ema ne’e ninia kondisaun hahú rekoopera