Maibé, bainhira iha atividade kampaña husu ba populasaun no eleitores sira no mós partidus politikus atu labele kontaktu direita ba loron matan, bainhira akontese fenomena eklipse solar iha loron 20 fulan-Abril tinan ne’e.
"Agora partidus politikus sira mós tenki halo sosializasaun ba populasaun no ba eleitores sira ne'ebé mak partisipa iha kampaña, atu nune'e iha momentu ida ne'ebé eklipse solar akontese, komunidade sira bele evita hodi kontaktu direita ho loron matan," dehan Ministru iha Ainaro, tersa (11/04).
Ministru dehan, lei fo dalan ba partidus polítikus sira atu hala’o kampaña durante periodu kampaña eleitoral. Nune'e mós Komisaun Nasionál ba Eleisaun (CNE) ho Servisu Tékniku Administrasaun Eleitorál (STAE) sei servisu hamutuk ho ParPol sira hodi fahe informasaun ne'e, ba populasaun sira.
Entretantu, iha sorin seluk, Prezidente Repúblika, José Ramos Horta husu média sira kontinua dezamina informasaun kona-ba eklipse solar ba komunidade sira ne'ebé hela iha área rurál.
Prezidente dehan, eklipse solar nu'udar eventu ida ne'ebé akontese dahuluk iha tinan 100 nia laran.
Iha 20 Abril ne'e, nia dehan, eklipse solar akontese direitamente iha Timor-Leste nia leten, husi Kom, Tutuala, Jako, Lospalos bele taka 100% no iha Dili 79%.
"Perigu tebtebes, liu-liu ba jovem, labarik ne'ebé la hatene bele haré. Fahe informasaun, hatete labele hateke ba loron, tanba nia lataka 100%. Iha rai lalika temi nia naran tanba buat tékniku ne'e perigozu tebes, mezmu babain ne'e iha loron manas iha rai ultra violeta ne'e provoka kankru, buat hotu tenki kuidadu ba ida ne'e," dehan Prezidente.
