"Haruka surat ba (PR), mak foin hatene see mak (PM), ha’u hanoin maun Xanana mak sei kaer Primeiru Ministru ne’e hau hanoin, laos ha’u hatene, ita hein, karik koligasaun hot-hotu hakarak nia,"dehan Duarte, iha PN tersa (25/02).
Tuir nia, koligasaun foun ne’e, tempu besik sei haruka karta ba (Prezidente Repúblika) ne’e tuir prosesu legal, karik dekreta mak foin buka partidu politiku prepara nia membru hodi simu tomada de pose.
Tan ne’e nia husu ba públiku labele preokupa lai lista pendente, maibé Prezidente Repúblika nia kompeténsia bele ko’alia, maibé prosesu foin hahú, seidauk tempu atu ko’alia ba membru governu.
Tanba forma koligasaun foun ne’e, Duarte dehan, Prezidente Repúblika mak husu partidu politiku sira ne’ebé mak asentu iha parlamentar atu halo movimentasaun, tan ne’e agora iha ona koligasun foun.
Maibé Deputadu Duarte ne’e garante bainhira Maun Xananan iha oin, sei hetan solusaun di’ak ba povu no rai ida ne’e.
