"Bee moos iha suku ne'e, bainhira iha tempu bai-loron, entaun komunidade susar tebes asesu, depois iha tempu udan bee iha, bainhira bee moos laiha, entaun komunidade sira ho alternativu seluk, kuru de'it be'e iha rai lolon sira," dehan nia ba Online INDEPENDENTE, iha Sentru Rekuperasaun Saúde (CRS), Tibar, kuarta horseik (13/07).
Nia hatutan, durante ne’e sira uza deit bee posu, maibé iha tempu udan monu rai mak bee pous ne’e iha.
Enkuantu, iha tempu bai-loron bee posu ne’e mós komesa maran ona, entaun komunidade sira ba kuru deit bee iha rai lolon ou fatin ne’ebé bee nalihun ba. Ida ne’e sai prekupasaun bo’ot ba komunidade sira.
"Tanba bee posu ne'ebé ami ke'e ne'e sai bainhira iha tempu udan, iha tempu bai-loron entaun be'e posu ne'e maran ona," nia dehan.
Nia haktuir, komunidade sira husi uma ba kuru bee iha rai lolon, lao to’o kosar sai mak foin hetan bee hodi kuru.
Ho situasaun ne’ebé komunidade sira infrenta, Xefe Suku ne’e husu ba Governu, atu oferese netik bee moos ba komunidade sira iha suku refere.
Entrentantu, total polulasuan iha Suku Tibar, hamutuk rihun 6.952 ho Xefe Familia hamutuk 308, husi aldeia Fatumea, Burulelo no Tuilili.
