Nia dehan, sei haree tempu lider partidu polítiku sira no governu nune’e haree dadaun ona atu ko'alia kona-ba eleisaun parlamentar 2023 nia.
"Ha'u sei haree tempu bolu líder partidu polítiku sira ne'e ho governu atu ko'alia daudaun ona kona-ba Eleisaun Parlamentár 2023 konstituisaun fó ba Prezidente iha autoridade, obrigasaun atu rona partidu polítiku sira atu haree marka data ba eleisaun. Durante fulan Janeiru ha'u sei haree ajenda líder polítiku partidu sira, sosiédade sivil hahú kedas," dehan PR Horta, iha Aeroportu Internasionál Nicolau Lobato, Komoro, Sesta (6/1).
Nia dehan, depois hetan konsensu entre Prezidente Repúblika, Governu, Parlamentu Nasionál atu marka data, objetivu enkontru ida ne'e mak atu haree kalendáriu eleitorál.
Molok ne’e, Prezidente Repúblika José Ramos Horta informa, bainhira nia fila husi Brazil hahú konsulta ho líder nasionál sira no mós partidu polítiku sira ne'ebé asentu iha Parlamentu Nasionál ho governu buka ona konsensu atu markasaun data ba eleisaun parlamentár tinan 2023.
