"Labarik ne’e ekipa KNDL lori mai iha 11 de Janerio ba Uma Mahon ida iha Dili hodi tau matan ba nia saúde tanba antes ne nia muta ran maibé waihira nia iha Uma Mahon Labarik ne’e tanis hela de’it entaun wainhira ekipa ba cek nia situasaun iha Uma Mahon Labarik mak husu rasik atu sai tanba nia lakohi sulan de’it iha Uma Mahon no nia hakarak ba fali Brother Cofee iha Delta IV,"esplika Suzi iha nia servisu fatin, Kaikoli ba Independente Online, iha tersa ohin.

Tanba ne’e, nia husu públika keta fiar rumor ne’ebé spailla Iha media sosial katak labarik Adao halai ona husi Uma Mahon maibé ate agora KNDL la ba buka tuir ne’e lalos.

Labarik Adao hela iha Uma Mahon durante loron rua de’it. Hahú hela iha Uma Mahon iha 11 fulan-Janerio 2021. Ekipa KNDL lori fila labarik Adao ne’e iha loron 13  ba Brother Coffe no oras ne’e dadaun nia servisu ona iha restorante Brother Coffee, Delta 04 Timor Block oin.

Nia hateten, maski labarik ne’e hela ona iha Brother Coffee maibé ekipa KNDL sei tau matan nafatin nia saúde no nesesidade seluk tanba ida ne’e nuudar responsavel maximu husi KNDL nian.

Entertantu na’in ba Coffee Brother ne’ebé lakohi fó sai nia identidade hateten, iha loron 13 fulan-Janeiro 2021, ekipa husi KNDL entrega dereitamente labarik Adao ne’e no agora servisu ona iha Brother Coffee

Nia haktuir katak ekipa KNDL iInforma katak labarik ne’e bele servisu maibé labele haruka hit sasan ne’ebé todan, se lae estraga fila fali labarik ne’e nia saúde.

"Ha’u dehan ba KNDL katak Brother Coffee  sei la haruka nia hit sasan todan tanba iha ne’e sasan todan laiha maibé ha’u haruka nia fase bikan hamoos meja no buat selu seluk tan ne’ebé ba nia kaman bele halo, ha’u istima nia nuudar ha’u nia oan rasik,"dehan nia iha Delta 04 ohin.

Nia mós prontu kolabora ho KNDL hodi tau matan ba labarik ne’e ho seguru no dignu.