Australia Aseita Simu Traballadór Timoroan 155 ba Servisu iha To’os Pateka

Novembru 22, 2024

Nasional

Australia Aseita Simu Traballadór Timoroan 155 ba Servisu iha To’os Pateka ^Featured

By Ekipa INDEPENDENTE Janeiru 14, 2021 1838

Embaixadora Timor-Leste ba Austrália, Inês Maria de Almeida

DILI:Embaixadora Timor-Leste ba Austrália, Inês Maria de Almeida, informa Governu Norte Australianu aprova ka aseita simu traballadór timoroan hamutuk na’in atus ida limanulu resin lima (155) hodi ba servisu iha teritóriu norte, Austrália, iha époka ai-fuan pateka.

Informasaun ne’e, Embaxadora simu husi CEO Asosiasaun Northern Territory (NT) Farmers Paul Burke, ohin (14/01) liuhosi vídiu-konferénsia uza aplikasaun Zoom.

Informasaun ne’e divulgadu husi mídia Embaixada Timor-Leste iha Austrália haktuir, NT Farmers prevé ona atu hahú simu traballadór timoroan hirak ne’e iha semana oin.

Tanba ne’e, Embaixada sei koordena ho Sekretaria Estadu ba Formasaun Profisionál no Empregu (SEFOPE), Ministériu Negósiu Estranjeiru no Kooperasaun no NT Farmers hodi realiza ida ne’e.

Haktuir informasaun divulgadu ne’e katak, sei haruka traballadór na’in ruanulu (20) iha kada semana hodi ba servisu iha to’os pateka iha teritóriu norte, Austrália, tanba presiza mós halo tuir rekizitu hotu-hotu kona-ba kuarentena hodi prevene Covid-19.

Rate this item

(0 votes)