Maibé téknikamente, alokasaun orsamentu iha tinan ne’e (2024), iha deit millaun $1.4, nune’e, sei halo diskusaun atu reforsa programa ba instituisaun besik 30, tan ne’e difísil mós kobre ba asuntu ligadu ho kapital dezenvolvimentu.

Nia dehan, instituisaun hotu-hotu hasoru asuntu sira ne’ebé ligado ho capital dezenvolvimentu, tanba alokasaun orsamentu ne’ebé limitadu, tan ne’e labele fornese buat barak nune’e halai liu ba oinsá reforsa sira-nia programa.

“Mais ha’u hanoin AHDMTL kontinua nafatin depende ba sira nia proposta ne’ebé mai iha asuntu balun ligadu ho aluger uma ka fatin ida ne’e karik ekipa sei halo diskusaun ho sira atu haree ba asuntu sira hanesan ne’e, tenknikamente ha’u atu informa katak la disponível maibe ba orsamentu ne’ebé iha atu harii edisifisiu foun, dezenvolve edifisiu ruma instituisaun solidariedade sosial no inluzaun nian inklui AHDMTL rasik,” dehan Diretór iha nia knaar fatin Kaikoli, Tersa (12/03).

Nia subliña, bainhira proposta mai ministériu sei diskuti hodi hare ba orsamentu ne’ebé iha, maibé haree ba orsamentu ne’e iha hanoin katak ne’e la to’o atu halo edifísiu ruma ba instituisaun sira.

Antes ne’e, Diretór Ezekutivu AHMDTL, Gabriel Ponsiano de Sousa husu ba governu atu harii uma  permanente ida ba sira, tanba dadaun ne'e aluga hela komunidade nia uma.

"Asrama ba feto ho mane ita seidauk iha, tanba sei aluga komunidade nia uma, tan governu liu husi SETP bele haree rai ka uma mamuk atu nune'e bele harii uma ida ba ami," dehan Diretór ba Jornalista ID-TV iha nia knaar fatin Manleuna, Kinta (01/02).

Diretór afirma, antes ne'e AHMDTL hato'o ona pedidu ba iha SETP atu hare rai hodi harii edifisiu ida ba sira, maibé to'o agora seidauk iha resposta.

Nia dehan, uma komunidade nia ne'ebé AHMDTL sira uza hanesan edifísiu ida hodi halo servisu loron-loron inklui ba formasaun, nune'e mós uma nia sorin sira halo asrama ne'ebé fahe ba kuartu sanulu 16, no kada fulan sira selu ho osan montante $800.

"iha ne'e ami aluga komunidade nia uma ida hodi halo ba edifisiu no sorin halo ba asrma feto no mane nia tan feto iha kuartu ualo mane iha kuartu ualo, tan ne'e ami halo negosiasaun ho uma na'in tanba aluga ba tempu naruk entau ami selu $800 kada fulan," dehan Diretór.

Tanba Ezistensia AHMDTL nian hakarak akumula hotu ema ho difesiasia matan iha Timor-Leste atu nune'e bele hamenus analfabetizasaun iha rai laran, maibé kondisaun mak la permite.

Tan ne'e, AHMDTL hakarak rekomenda ba parte Governu oinsá atu haree fatin mamuk ruma hodi bele akumula maluk defisiensia matan sira iha ne'e liu iha Díli tanba Dili hanesan nasionál ida.