NATARBORA: Kandidatu Prezidente Repúblika (PR), ho númeru sorteiu 16, Mariano Assanami Sabino Lopes, konsidera traballladór rai laran no rai li’ur hanesan heroi ba familia no nasaun, tanba ho  esforsu hamoris ona ekonomia familiar.

NATARBORA: Kandidatu Prezidente Repúblika (PR) númeru 16, Mariano Assanami Sabino Lopes, kompromete bainhira povu fó fiar ba nia sai Prezidente Repúblika, nia sei orienta governu hodi moderniza setór agrikultura no peskas.

BOBONARU: Kritika malu sai nu’udar buat normal ida iha nasaun demokratiku, maibé ba Kandidatu Prezidente Repúblika Lere Anan Timur, iha ninia vida nia sei la kritika ema na’in tolu iha Timor-Leste. Entre figura na’in tolu ne’e la inklui Sekretariu Jeral Fretilin, Mari Alkatiri.

MANATUTO: Vise Prezidente partidu CNRT no atual Sekretáriu Estadu ba Asuntus Kombatentes Libertasaun Nasionál, Gil da Costa Monteiro 'Oan Soru’ hato’o kritika maka’as hasoru governu ne’ebé nia rasik envolve iha laran.

DILI: Kampaña eleitoral sai nu’udar oportunidade ba kandidatu Prezidente Repúblika ho ninia ekipa susesu no sira ne’ebé fó apoiu atu ‘fa’an’ programa no politika ba eleiór sira hodi bele deside iha tempu eleisaun. Maibé, iha kandidatu Prezidente Repúblika balun ne’ebé ninia ekipa susesu ‘orgullu’ fali ho inkapasidade husi sira-nia kandidatu.

DILI: Prezidente Partidu Demokratiku Republika Timor (PDRT), Agostino Gomes hatete, maske partidu ne’ebé nia lidera konsidera sei joven hela maibé partidu ne’e iha ona kondisaun atu kaer ukun iha Timor-Leste.

AINARO:  Kandidatu Prezidente Republika numeru 5, Anacleto Bento Ferreira hatete, Timor-Leste ukun an tinan 20 ona maibé seidauk iha hanoin no mekanismu ida atu estabelese Tribunal Militar, tan ne’e bainhira nia eleitu sai PR nia sei koalia ho governu hodi estabelese tribunal refere.

Anacleto hatete, kompetensia ne’ebé Konstituisaun fó ba Prezidente Republika mak nia hanesan Komando Supremu ba Forsa Armadas no Defeza nian sei apoiu governu hodi modernaliza no profesionaliza forsa armadas no seguransa.

"Tantu se ita-nia kazu ruma ne’ebé ligadu ho aktus membru militar no polisia nian ita lori fali ba tribunal sivil mak halo julgamentu, buat ne’ebé bele ho lia-fuan Indonesia nian katak ‘tak ada akar, rotan pun jadi’, ida ne’e mak ita uza hela to’o ohin loron, tinan  20 ha'u hanoin tempu to’o ona atu hanoin loloos tak ada akar, ita buka duni rotan, ida ne’e atu sai alternative," dehan nia iha kampaña door to door, iha Postu Ainaro Vila, Munisipiu Ainaro, Tersa (08/03).

Nia hatutan, tempu to’o ona hanesan Prezidente Republika sei inisia prosesu ida hodi hamosu Tribunal Militar iha Timor-Leste.

Entretantu, Diretór Komisaun Nasionál Eleisaun Munisipiu Ainaro, Felisiano da Costa dos Santos informa,  durante kampaña kandidatu Prezidente Republika iha Ainaro lao ho di’ak tanba kandidatu sira kumpre duni oras ne’ebé iha.

“Ita hotu hatene katak kampaña hahú iha loron 2 Marsu to’o ohin, CNE nia observasaun durante ne’e lao di’ak no kandidatu sira kumpre duni orariu ne’ebé sira hatama,” dehan nia.

Tuir observasaun jornalista jornal INDEPENDENTE iha terenu nota katak kampaña tipu door to door husi kandidatu númeru 5 ne’e iha Ainaro hetan observasaun husi observador sira no husi CNE.

Aleinde ne’e, militante sira ne’ebé partisipa iha kampaña door to door ne’e maizumenus liu na’in 100 no laiha labarik mak partisipa.

ERMERA: Kandidatura Partidu Kmanek Haburas Unidade Nasionál Timor-oan (KHUNTO), Armanda Berta dos Santos, promote tau planu prioridade ba má-nutrisaun iha Timor-Leste bainhira eleitu ba Prezidente Republika.

MANUFAHI: Kandidatu Prezidente Republika Constancio Pinto ‘Terus’ sente triste haree estrada ba ba Postu Admiistrativu Turiscai, Munisipiu Manufahi, ne’ebé kondisaun aat total.

AILEU: Kandidatura independente, Isabel da Costa Ferreira, iha nia mini kampania promote sei la halo povu monu ba rai.