Prezidente Tribunal Rekursu, Deolindo dos Santos hatete, labele ko'alia bu'at barak, entantu saida mak akontese ohin Primeiru Ministru ho nia ekipa tomak kompostu husi vise Primeiru Ministru na'in rua ho Ministru sira balu ne'ebé ke atu rona tribunal Rekursus nia hanoin kona-ba ezekusaun Orsamentu Jerál Estadu 2023 nian.
"Ha'u mai ho ha'u nia ekipa tekniku sira esplika ba Primeiru Ministru no ekipa tomak kona-ba ezekusaun Orsamentu 2023 husi tribunal sira nian, ne'ebé ke pratikamente ho komitmentu no kompromisu sira ne'ebé mak iha ami atinje ona 49% ba ezekuzasaun, ne'e mak ha'u esplika no mós iha resin balu ne'ebé ke sei halo ezekusaun," nia dehan hafoin aprezenta relatoriu orsamentu jerál estadu 2023 nia hodi ajusta Orsamentu retifikativu ba KRO iha Ministeriu Finansas, Segunda (31/07).
Nia afirma, Iha fulan hirak mai ne'e ho esperansa katak to'o iha fun du anu la'o ho di'ak mezmu ke iha difikuldade mais esforsu hodi halo ezusaun ho di'ak.
"Kona-ba Adidisional, nu entantu kestaun ida ne'e Primeiru Ministru mak koloka duni mai katak ita boot sira iha Adidisional ruma ba Orsamentu 2023, ha'u ho forma ne'ebé onestu ha'u hatete ba Primeiru Ministru ho ekipa tomak ami la iha pedidu Adidisional tanba ami sukat ami nia forsa," nia dehan.
Nia fundamenta, agora dadaun tama ona ba terseiru trimestral ne'e hela de'it fulan haat ka lima ezekusaun OJE 2023 hotu ona, entaun PTR la iha kondisaun atu osan husu Adidisional ne'ebé ke aumenta tan.
"Saida mak ami husu mak ne'e apoia Governu nian para atu ami bele ezekuta orsamentu ne'ebé ke iha ona ne'e ba tinan ida ne'e bele hotu ho forma ne'ebé di'ak, ida ne'e mak husu mais nu entantu la iha tan pedidu Adidisional ruma ba Orsamentu retifikativu, tanba sukat ami nia forsa," nia dehan.
Ne'ebé la iha problema ruma kona-ba Orsamentu ne'e rasik tanba bu'at ne'ebé PTR nia programa no planu rasik, ne'ebé orsamentu to'o iha fin du anu mós la iha problema.
Entretantu montante ba iha OJE 2023 ne'e U$ 7 milloens ne'ebé alokadu husi OJE $2.16 bilioens itál, ne'ebé ke agora ezekuta ona $ 3 miloens itál ona.
Kona-ba vensimentu sira ne'e kerzer ke previzaun ne'ebé ke iha nanis tiha ona katak Funsionariu hira no ofisiál Justisa hira no mós juis hira ne'e iha previzaun tiha ona, tanba tribunal la iha bu'at ida katak Funsionariu aumenta tan ida ne'e ba kontratu ida neeba maibé ida ne'e, maibé previzaun mai ho planu kedas.
"Atividade saida-saida mak atu halo iha orsamentu retifikativu, ne'e ha'u labele esplika bu'at sériu tanba bu'at ne'e iha hotu ona atividade ne'ebé ke previstu ona ba 2023," tenik nia.
