Prokuradoria Jeral Repúblika (PJR) Alfonso Lopes hatete, MP la husu Adidisional maibé mantein de'it orsamentu ne'ebé alokadu hela 41% nune'e sei halo formasaun Internasionál krime sibernitika.
"Ministeriu Públiku la husu retifikativu ne'e ho Adidisional, osan ne'e ho de'it alokasaun Orsamentu ne'ebé alokasaun ba Ministeriu Públiku aprovadu $ 5.4 miloens ne'ebé ezekuta ona 59%. Orsamentu Segundu trimestral fulan Jullu apartir fulan Agostu ba to'o 31 Dezembru entaun falta 41% entaun prográma asegir mak sei halo formasaun Internasionál krime sibernitika ne'e ita sei halo formasaun ida ne'e no mós semináriu Internasionál labarik nian ho joven," nia dehan hafoin aprezenta relatoriu orsamentu ba Primeiru Ministru no komité revizaun Orsamentu ba retifikativu iha Ministeriu Finansas, Segunda (31/07).
Nia afima, kona-ba lei sibernitika hanesan ema hotu akompaña mundu Dizitalizasaun entaun presiza lei doméstika lei iha nasionál Molok to'o iha neeba presiza formasaun redon, bele mós iha formasaun ema exper nia sei mai, entaun Prokuradoria, juis sira no polísia sira tuir formasaun ba lei ida ne'e.
"Ohin loron ita boot sira akompaña derepente de'it tama ema naok sasán uma laran ita le iha média sosiál sira ema inventa tun sa'e entaun ho ida ne'e mak orsida ita sei prepara mós esbosu ida lori ba novu Parlamentu no novu governu liu husi Ministériu Justisa bele aprova," nia salienta.
Esbosu ne'e uluk prepara tiha ona soke tanba kaduka entaun tenke hein novu lejislatura ho novu Governu para bele haree ida ne'e, tanba ne'e importante, dala barak bele dun malu naok ten mais afinál ema ne'e inventa tun sa'e de'it.
Aleinde formasaun sei halo rehabilitasaun Ministeriu Públiku iha Oekusse iha Dili no mós iha Munisípiu Vikeke, depois kontinua apoiu programa ne'e ba oin no mós prosesu notifikasaun no julgamentu mobel sira hirak ne'e mak atu kontinua husi fulan Agostu ne'e ba to'o Dezembru.
Primeiru Ministru mós husu karik ita sufisiente ka lae, ami nia ekipa fi'ar aan katak ita to'o sufisiente to'o 31 Dezembru tinan ida ne'e ne'ebé ami mós ka husu orsamentu Adidisional.
Orsamentu ne'ebé alokasaun ba Ministeriu Públiku aprovadu $ 5.4 miloens ne'ebé ezekuta ona 59%. Agora ida kapitál Dezenvolvimentu mak iha edifisiu Ministeriu Públiku iha Lospalos ne'e edifisiu ida ho Rezidensia rua iha sala reuniaun ne'e ho montante $ 710 mill agora 100%. Agora ekipa tekniku mak sei halo inspesaun ho nune'e para bele ba selu Kompañia.
"Ikus karik ita sei konvida nai Prezidente Repúblika ho Primeiru Ministru atu bele halo inagurasaun," tenik nia.
