“Husi fulan marsu mai to’o horseik ne’e ita rejista ona kazu dengue hamutuk 84, husi númeru ne’e na’in ida mak mate,”informa Diretór SSMD, Mateus Pinto, ba Jornalista sira iha nian knaar Formosa  fatin, Tersa (25/03).

Nia dehan, husi kazu sira ne’e maioria mai husi  Postu Administrativu Dom Aleixo, Cristo Rei, Metinaro, Na’in Feto no  Vera Cruz.

“Labarik sira ne’ebé mak hetan dengue ne’e husi idade tinan lima to’o 14,  tinan 1 to'o 4,  idade 25 to'o 49 no menus husi tinan ida,”nia hatete.

Nia infoma kona-ba fomigasaun no abate servisu Saúde Munisípiu Dili, nafatin orienta ekipa sira la’o nafatin tama sai bairo halo prevensaun ba kazu dengue sira ne'e.

"Kona-ba fomigasaun ami nafatin no abate ami nafatin tama sai bairu hodi rega no halo prevensaun, ba komunidade sira," nia subliña.

Dengue nu’udar moras ida ne’ebé kauza husi virus no hada’et liu husi fatór  hada’et husi susuk Aedes Aegypti infetadu nia tata.

"Dengue la hada’et husi ema ba ema. Intensidade tata aas liu mak maizumenus oras rua hafoin loro-matan sae no molok loro-matan tun. Sinais sintomas husi dengue mak hanesan isin manas, ulun moras maka’ss, moras iha matan fukun, muskulu no artikulasaun moras makas mosu erupsaun iha kulit,"nia esplika.

Entertantu tuir dadus, husi  fulan Janeiru to’o Marsu Servisu Saúde Munisípiu Dili, rejista ona kazu dengue hamutuk 267,  janeiru  kazu dengue hamutuk 75 no mate ida, Fevereiru 108, no marsu 84 no mate na’in ida.