Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu foun ne’ebé relata ohin, iha Dili na’in 119, Vikeke 5, Bobonaro 4, Ermera 2 no Covalima na’in 1.
“Husi kazu ohin iha mane na’in 73 no feto 58. Ema ne’ebé ho idade tinan 12 mai kraik iha na’in 5, idade 12 to’o 59 hamutuk 123 hanesan ho pursentu 93,8 (93,8%) no idade 60 ba leten iha na’in 3,”dehan nia liu husi zoom, segunda ohin.
Rui relata, husi total kazu detetadu ne’e iha proporsaun kazu sintomátiku hamutuk 9,9%.
Ho nun’e, komulativu kazu konfirmadu sura husi 21 fulan-Marsu 2020 to’o loron 17 fulan-Maiu tinan 2021 hamutuk 4,589.
Entretantu dadsu jeral ba loron ohin iha kazu foun na’in 131, kazu rekuperadu na’in 75 no kazu ativu hamutuk 2,173.
Husi horiseik (16/07) mai ohin (17/05) teste PCR ne'ebé Laboratóriu Nasionál Saúde halo iha Dili hamutuk 553 kompostu husi, Vijilánsia sentinela na’in 4, Rastreiu ba kontaktu (Contact tracing) 93, Rastreiu Aleatoriu (Random Screening) 105, Viájen sai husi serka sanitária husi Dili 330, Viájen internasionál 19 no Follow up iha kuarentena iha na’in 22.
Total testes PCR ne’ebé halo horiseik (16/05) iha Munisipiu sira, RAEOA no HNGV hamutuk 271, ho detalle hanesan tuir mai, Maubisse na’in 23, Maliana 12, Vikeke 45, Suai 55, Baucau 29, Ermera 25, RAEOA na’in 3 no HNGV iha na’in 70.
Enkuantu iha izolamentu Vera Cruz halo tratamentu ba kazu detetadu hamutuk na’in 29, iha area obstetrisia na’in 13 ho kategoria moderadu hotu no kondisaun estavel.
Iha área medisina interna na'in 16. Na’in 1 kritiku uza ventilador, na’in 5 grave uza oksijéniu, na’in 10 moderadu.
Tanba ne’e, SIJK informa mós ba públiku katak husi fulan-Marsu tinan 2021 to’o ohin (17/05), iha fatin izolamentu Vera Cruz, inan isin-rua ne’ebé deteta pozitivu, akontese/hala’o partu normal iha na’in 9, hahoris liu husi operasaun cezariana na’in 3, partu asistidu ho ventoza na’in 3, abortu 1, no bebé ne’ebé hahoris iha kondisaun mate nain 2.
Nune’e, tuir dadus, total bebé na’in 15 maka moris ho kondisaun saudável iha VeraCruz, husi inan sira ne’ebé deteta pozitivu, maibé la iha bebé ida maka pozitivu.
Asistente Editor: Saturnina da Costa
