Governu sei apoiu ba empregu sira ho orsamentu ne’ebé aprova iha Parlamentu Nasional no promulga husi Prezidente Repúblika ba medidas neen, mak hanesan, subsidiu extraordinariu ba trabalhador ho konta ema seluk nian iha pursentu 70 (70%), subsidiu extraordinariu ba trabalhador ho konta propriu, empregu individu, trabalhador servisu domestika iha pursentu 85 (85%).
Aliende, despensa iha pursentu 6 (6%), subsidiu extraordinariu ba dezempregu iha pursentu 40 (40%), subsidiu extraordinariu ba eletrisidade iha pursentu 50 (50%) no subsidiu extraordinariu ba renda iha pursentu 30 (30%).
Long hatutan, kona-ba inskrisaun, bele mós liu husi WhatsApp no email ne’ebé INSS estabelese ona, tanba agora dadauk iha hela situasaun konfinamentu domilisiariu nune’e labele halibur malu barak.
Tuir planu, loron ne’ebé termina ba inskrisaun ne’e bazeia ba dekretu lei numeru 14/2020 de 3 de maiu, iha artigu 3 hatete katak depois loron 15 lei ne’e vigor.
“Rezista hahú iha loron 4 fulan-Maio no sei termina iha Loron 28 fulan-Maiu,”dehan nia iha knar fatin INSS Kaikoli Dili, segunda ohin (17/05).
Nia akresenta, subsidiu ba rekuperasaun ne’e sei aplika ba benefisiariu sira durante fulan tolu hahú husi fulan-Marsu to’o fulan-Maiu, bazeia ba sira nia rendimentu.
Rejistrasaun asesu subsidiu ida ne,e aplika ba munispiu 12 inklui RAEOA.
Jornalista: Camilio de Sousa
Asistente Editor: Saturnina da Costa
