Diretóra Sentru Saúde Likisa, Apolonia dos Santos hatete, moras ne’e akontese tanba kauza husi foer no bee-foer ne’ebé nalihun, nune’e halo susu barak hodi hada’et moras ba ema.
Kazu hirak ne’e rekolla husi Postu Administrativu tolu mak hanesan, Bazartete, Likisa, no Maubara.
“Iha Posto Administrativu Maubara deteta kazu 9, Likisa iha na’in 4 no Bazartete iha na’in 1,”dehan nia iha Likisa Vila, segunda ohin (17/05).
Tanba ne’e, ekipa sira husi Ministériu Saúde nafatin fo informasaun ba komunidade atu halo prevensaun liu husi hamos uma laran, foer ne’ebé iha uma ninin.
Aliende, ekipa sira fahe aimoruk rega ba bee foer ne’ebé nalihun no mós tau ba bee iha tanki atu nune’e labele hamosu susuk barak.
Nia rekomenda katak, aimoruk dengue nian iha Sentru Saúde Munisipiu Likisa menus.
Tanba ne’e, bainhira ema hetan moras dengue, tenki lori ba halo tratamentu direita iha Óspital Nasiónal Gúidu Valadares.
Entretantu, iha situasaun serka sanitaria no estadu emerjensia maibé Sentru Saúde nafatin halo atendementu ba komunidade sira ne’ebé moras no tuir regras prevensaun Covid-19 nian.
Asisten Editor: Saturnina da Costa
