Total abitante kuerentina obrigatoriu husi fatin tolu, otél Leokasi, Lesidere, Sakura, ne’ebé kompleta ona loron 14

maibé la konsege husik fila ba idak-idak nia uma, tanba balun hatudu sintomas moras Coronavirus. Tanba ne’e sei hein tan loron balun hafoin rejultadu teste laboratorium fó sai.

Tuir Diretór Gabineti Politika Kooperasaun Narcisio Fernandes hatete, ohin lolos atu re-integra ema na’in 84 iha kuarentian tolu, maibé sei pendente tanba ema balu hatudu sintomas Covid-19.

"Ohin tuir planu iha purvolta 84 pesoas abitantes ne'ebé hela iha kuarentina fatin tolu, lolos ohin halo deskonpinamentu ba iha munisipiu, maibé iha sampel balun ne'ebé presiza halo mós konfirmasaun, entaun ho ida ohin dader mak ami hetan informasaun husi laboratorium nasional katak, ita hein pendente uitoan,"Dehan Diretór Narcisio iha Otel Leokassi Rai-kotu, sesta (17/04).

Diretór ne'e realsa, sira halo ona konfirmasaun hasai amostra antes, maibé ikus mai hetan fali instrusaun katak, sei pendente, hodi kompleta laboratorium nian.

"Ema na’in hira mak hetan sample ne'e ha’u labele hatene, maibé tuir informasaun ne'ebé husi laboratorium nasional fó mai ami, iha kuarentina Otel Leokassi mós iha ida rua mak foti ona alende ne'e mós iha Otel Lecidere no Otel Sakura,”tenik nia.

Total ambitante na’in 84 ne’ebé tuir lolos atu livre ohin, kompostu husi feto hamutuk 37, mane 47.