Vitima uma-kain 8 ne‘ebe mak hetan apoiu material rekoperasaun ne‘e ho kategoria estragus total,tamba ne‘e vitima sira iha direitu sei hetan osan mão de obra dolar rihun ida (1.000) no inklui material rekoperasaun kompletu.
Tanba ne᾽e, lideransa ne᾽e lori Lori IX Governu konstituisional liu husi Sekretáriu Estadu Protesaun Sivíl, Domingos Mariano Reis, hato᾽o solidaridade ba familia sira ne᾽ebe mak uma afeita ba rai halai no Responsavel APS mos subliña tan katak Governu iha dever no obrigasaun atu apoiu rekoperasaun ba familia vítima sira iha teritorio nasional ne᾽ebe mak uma afeita dezastre naturais no kadestrofes.
Maibe Governante mos husu atu familia vitima sira simu material rekoperasaun ne᾽e atu hari fila fali uma no labele fa᾽an arbiru material sira ne᾽ebe mak governu distribui.
“Husu inan aman sira atu labele fa᾽an aribiru material sira,see bainhira ita bo᾽ot sira fa'an maka ha᾽u ho ekipa sei prosesu imi ba Ministeriu Publiku (MP),atu nune᾽e bele hatan ba aktu ne᾽ebe mak imi komete,” Dehan nia liu husi Komunikadu ne’ebé INDEPENDENTE asesu husi Mídia SEPS, tersa (10/12).
Governante ne᾽e haktuir tan katak, bazeia ba dekretu lei numeru 7/2021 fo ona kompetensia ba SEPS atu apoiu emergensia no rekoperasaun ba familia vitima sira ne᾽ebe mak afeita ba dezastre naturais no kadestrofes.
Nia mos salienta tan katak,iha tempu badak APS sei responde tan material rekoperasaun ba familia vitima uma kain atus hitu resin iha munsipiu sanolu resin tolu inklui RAEOA.
Purtantu, partisipa iha distribuisaun material rekoperasaun ne‘e mai husi Prezidenti Autoridade Munisipiu Ermera,Admnistrador Postu Admnistrativo Hatulia (B), ekipa APS Nasional no Munisipiu inklui Xefi Suku no Familia Vitima sira hotu.
