Programa ne'e mós hasa’e kapasidade ba mediador na’in 42 husi Diresaun Nasional Prevensaun Konflitu Komunitáriu (DNPKK) iha Munisipiu 12 inklui Rejiaun Administrativu Espesial Oekuse Ambeno (RAEOA).
Sekretariu Estadu Protesaun Sivil, Joaquim dos Reis Martins hatete, objetivu husi asina akordu ne’e, atu suporta formasaun ba mediador sira.
“Ita iha mediador hamutuk 42 iha teritoriu laran tomak, nune’e iha feto na’in 21 mak ita hakarak atu fó formasaun ba sira, hodi aumenta sira nia kapasidade,”dehan nia ba jornalista sira hafoin remata asina akordu, iha salaun SEPS, Kaikoli Dili, kuarta (28/07).
Nia hatutan, formasaun ba mediador sira ne’e sei foku liu ba iha feto páz seguransa.
Entretantu, Jerente ba UN Women nia Programa Feto, Páz no Seguransa, Leonisia Tecla hatete, agora dadaun iha mediador na’in 42 husi Diresaun Nasional Prevensaun Konflitu Komunidade (DNPKK) iha Ministeriu Interior no pursentu 50 (50%) feto mediador mak lidera prosesu mediasaun sira iha komunidade.
Enkuantu, fundus ne’ebé apoia husi Governu Swedia ba programa ne’e hamutuk dolar amerikanu rihun $60 ba programa ne’e.
Asistente Editor: Saturnina da Costa
