Projetu rezulusaun ne’e aprezenta husi Ministru Administrasaun Estatal, Miguel Pereira de Carvalho.

“Konsellu Ministru aprova mós projetu Rezolusaun Governu nian ne’ebé aprezenta husi Ministru Administrasaun Estatál, Miguel Pereira de Carvalho, hodi nomea Guilhermina Filomena Saldanha ba kargu Prezidente Autoridade Munisipál Dili, ba periodu tinan lima, hahú husi loron ne’ebé simu pose nian,”dehan Ministru Prezidensia Konsellu Ministru, Fidelis Leite Magalhães, iha Palasiu Governu, kuarta ne’e.

Entretantu, molok ne’e, Ministru Administrasaun Estatal, Miguel Pereira de Carvalho aprezenta naran kandidatu na’in haat ba Konsellu Ministru, hanesan Abilio Mesquita “Mausoko”, Gaspar Soares, Antonio Moniz Clau, Guilhermina Filomena Saldanha no Ivete de Fatima Sarmento de Oliveira.

Enkuantu, husi sira na’in haat ne’e, Guilhermina mak Governu nomeia hodi assume kargu hanesan Prezidente Autoridade Munisipál Dili ba periode tinan lima.  

Asistente Editor: Saturnina da Costa