Xefe Seksaun Komunikasaun-APS, João Filipe de Sousa hatete, Autoridade Protesau Sivil (APS) rejistu populasaun afeitadu sira ne’e akontese iha munisipiu sia (sia) inkliu Rejiaun Administrativa Espesiál Oe-Kusi Ambeno (RAEOA).
"Dezastre ne'ebé akontese iha teritoriu laran tomak ne'ebé afeitadu ne'e, ita nia komandu autoriedade protesaun Sivil servisu hamutuk ho CVTL no Autoridade Munisipiu no prezidente Autoridade Munispiu sira ita responde hotu ona apoiu emerjensia ba ita nia vítima sira ne'ebé mak hetan inundasaun," dehan Xefe iha Salaun Konferensia APC Kaikoli l, Segunda (10/06).
Munisípiu sira ne’ebé afeita ba dezastre naturias hanesan, Munisípiu Aileu Uma ida (1), Ainaro rua (2), Baukau Uma ida (1), Bobonaro ida (1), Covalima 171, Dili Armajem ida (1), Likisa Uma ida (1) no ema na'in ida (1) lakon vida, Manufahi Uma 31, RAEOA Uma tolu (3) no Vikeke Uma ida.
Vítima inundasaun husi munisipiu Kovalima uma hamutuk 171 no Manufahi 30, nia dehan, APS munisípiu hamutuk autoriade lokál re-ativa fila-fali ona sira-nia hela fatin no situasaun normál ona.
Atu evita dezastre naturais sira ne’ebé akontese, Autoridade Protesaun Sivil (APS) nafatin apela ba komunidade sira atu hadok-aan husi fatin risku liliu ba sira hela iha mota ninin, foho lolon, tanba rai-halai no akontese inundasaun.
