Semana ida, APS rejista uma-kain 49 hetan estragus, na’in 4 lakon vida Featured

By Estajiária Zélia Janeiru 22, 2024 859
Uma neebe hetan estragus husi dezastre naturais. Foto:Dok. Uma neebe hetan estragus husi dezastre naturais. Foto:Dok.

DILI: Durante Semana ida nia laran, hahú husi  loron 16 to’o 22 fulan-Janeiru tinan 2024, Autoridade Protesaun Sivíl rejista komunidade nia uma ne’ebé hetan estragus husi dezastre naturais hamutuk uma-kain 49, inklui ema na’in haat lakon vida.

Enkuantu, husi dadus uma-kain 49 ne’ebé hetan estragus mai husi Munisipiu Aileu, Baukau, Bobonaro, Ermera, Kovalima, Likisa, Vikeke, Inklui RAEOA.

Xefe Gabinete Relasaun Esterna Komunikasaun (GREK), Cesario da Silva Marques hatete, operasaun Autoridade Protesaun Sivil rejista  durante semana ida  iha teritóriu nasionál Timor-Leste akontese tipu dezastre mak, konsege rejista uma kain xefe de familia 49 mak hetan estragus no  vítima  na’in haat mak lakon nia vida.

“Liu-liu   munisípiu sira hanesan tuir mai ne’e ema  na’in 4 mak lakon nia vida, na’in 1 husi Munisípiu Vikeke no na’in 3 husi Munisipiu Likisa, estragus uma husi dezastre hamutuk 49 durante semana ida, kompostu husi anin estragus uma ho kuantidade boot hamutuk 36, ahi han uma hamutuk 8, rai halai 5,”dehan nia liu husi konferensia imprensa ba jornalista sira, iha Sala Komunikasaun APC, Kaikoli, Dili, (22/01).

Nia afirma, na’in 4 ne’ebé lakon vida ne’e mai husi Munisipiu Vikeke no Munisipiu Likisa.

Nia esplika, na’in ida husi Munisipiu Vikeke nee dezastre rai lakan mak kona no na’in 3 husi Munisipiu Likisa nee konsumu husi han ikan.

Ba vitima sira ne’e, Komando Autoridade Protesaun Sivil iha kada munisípiu apoiu ona emerjensia hanesan apoiu ai-han no la’ós aihan ba vitima afeitadu sira.

Ho nune’e, ekipa mós kontinua halo levantamentu dadus ba vitima afeitadu sira seluk.

Rate this item
(0 votes)

Independente Digital TV